Moscóiviam

Ón Vicipéid, an chiclipéid shaor.
(Athsheolta ó Únúinpeintiam)
Jump to navigation Jump to search

Is é an moscóiviam dúil cheimiceach uimhir a 115, agus is é Mc an giorrúchán a sheasann dó sna foirmlí ceimiceacha. Dúil shaorga shintéiseach é an moscóiviam, agus é an-ghearrshaolach fosta, mar is dual do na dúile troma trasúránacha. An t-iseatóp is cobhsaí dá bhfuil aige, is é sin moscóiviam 290, níl sé féin ach ocht ndeichiú cuid den tsoicind ar leathré. Comhthoireann Rúiseach-Mheiriceánach d'fhisiceoirí núicléacha, agus iad ag obair i nDubna in aice le Moscó, a d'aithin an chéad adamh moscóiviam riamh sa bhliain 2003. Sa bhliain 2016 a fuair ainm na dúile seo faomhadh ó eagraíochtaí idirnáisiúnta na bhfisiceoirí is na gceimiceoirí.

Tá an moscóiviam suite in aon ghrúpa leis an nítrigin agus an fosfar sa tábla peiriadach, ach is deacair a dhath a rá i dtaobh airíonna ceimiceacha na dúile seo, chomh héagobhsaí is atá sí.