Ógchiontacht
.jpg)
Tugtar ógchiontacht (nó déagchiontacht, ógchoireacht nó iompar frithshóisialta) ar choireanna a ndéanann daoine óga (faoi bhun ocht mbliana déag de ghnáth).[1]
Is féidir le daoine óga atá bainteach le mangaireacht drugaí agus le gadaíocht, srl dul i muinín coiriúlacht níos tromchúisí fós nuair a fhásann siad suas. Má chiontaítear iad sna cúirteanna, is lúide an seans go mbeidh saol mar chách acu ina dhiaidh sin. Cuir i gcás, bíonn sé doiligh acu post ceart a fháil agus ní ligtear isteach i dtíortha áirithe iad.[2] Is fearr athshlánú agus comhairliú a dhéanamh, más féidir.
In Éirinn
[cuir in eagar | athraigh foinse]Cúram
[cuir in eagar | athraigh foinse]Rinne An Garda Síochána suirbhé ar dhearcadh an phobail sa bhliain 2007, ag cur an cheist, "An gcreideann tú gur cheart cur in aghaidh ógchiontacht agus mí-úsáid drugaí trí pionós a ghearradh go príomha nó trí athshlánú/comhairliú?[3] Thacaigh 40% díobh siúd a d'fhreagair an ceistneoir pionós agus 56% athshlánú/comhairliú.
Soláthraítear áiseanna oideachais neamhchónaithe trí na Tionscadail Chomhchaidrimh don Aos Óg (TCAÓ) do pháistí atá tar éis dul leis an ógchiontacht nó atá i mbaol dul leis an ógchiontacht.[4]
Cuirtear cúram cónaithe do pháistí in Éirinn ar a dtugtar “as smacht” de réir dlí in Ionaid Ardtacaíochta agus Sainchúraim. Leis an téarma, tagraítear do pháistí atá i mbaol, agus ar gá cúram agus cosaint dóibh, agus óna dteastaíonn soláthar seirbhíse oideachais i dtimpeallacht shlán theiripeach. Bíonn na páistí seo idir 12 agus 17 bliain d’aois.[5]
Is é an tAire Leanaí agus Gnóthaí Óige é atá freagrach as na trí Scoil Coinneála Leanaí i mBhaile an Oibricigh, Lusca, Co. Átha Cliath, áit a gcuirtear spásanna coinneála ar fáil do na cúirteanna do chailíní suas go 18 bliain d’aois agus do bhuachaillí suas go 17 bliain d’aois dar ordaíodh iad a athchur nó a chimiú ar chúiseanna coiriúla.[5]
Tacaíonn an Garda Síochána cur chuige comhpháirtíochta ilghníomhaireachta chun dul i ngleic leis an ógchoireacht agus le hiompar frithshóisialta ar leibhéal an phobail. Is é an bunchuspóir atá leis na tionscnaimh seo daoine óga, a bhí páirteach in iompar frithshóisialta agus/nó coiriúil, a chur ón iompar sin. Cuirtear ghníomhaíochtaí oiriúnacha ar fáil chun forbairt phearsanta a éascú, freagracht shibhialta a chur chun cinn, agus feabhas a chur ar ionchais infhostaitheachta san fhadtéarma. Ina theannta sin, d’fhéadfadh na tionscadail oibriú freisin le daoine óga a bhfuil baol mór ann go mbeidh siad páirteach in iompar frithshóisialta agus/nó coiriúil.[6]
Dlí
[cuir in eagar | athraigh foinse]Cion atá ann in Éirinn ag duine fásta iachall a chur ar pháiste gníomhartha coiriúla a dhéanamh nó páiste a mhealladh le gníomhartha coiriúla a dhéanamh. Faoin Acht um Cheartas Coiriúil 2024, is féidir suas le dhá mhí dhéag príosúin a ghearradh ar dhuine fásta a chiontaítear gan ghiúiré i gcúirt dúiche agus suas le cúig bliana príosúin ar an té a chiontaítear i ndiaidh a chur ar a thriail. Mar sin, is féidir bearta áirithe a dhéanamh le teacht i gcabhair ar dhaoine óga atá n-oiliúint mar choirpigh ag a ndaoine muinteartha ach beart suntasach breise atá san fhoráil 2024 a chinnteos gurb é an duine nó na daoine is mó is ciontach a íocfas an téiléireacht.[2]
Féach freisin
[cuir in eagar | athraigh foinse]- Dúnmharú Ana Kriégel, 2018
- Dúmharú James Bulger, 1990
- Cúirt d'ógánaigh[7]
- Coinneáil ógánach nó scoil coinneála leanaí[8]
- Campas Coinneála Leanaí Bhaile an Oibricigh[9]
Tagairtí
[cuir in eagar | athraigh foinse]- ↑ i mBéarla, juvenile delinquency, juvenile offending, child crime nó anti-social behaviour
- ↑ 2.0 2.1 Nuacht RTÉ (2024-05-24). "Cion feasta páiste a mhealladh le gníomh coiriúil a dhéanamh" (as ga-IE).
- ↑ garda.ie (2007). "SUIRBHÉ AN GHARDA SÍOCHÁNA AR DHEARCADH AN PHOBAIL 2007". Dáta rochtana: 2024.
- ↑ "An tOideachas Ionchuimsitheach" (ga). www.gov.ie (2019-07-17). Dáta rochtana: 2024-05-24.
- ↑ 5.0 5.1 "Scoileanna Speisialta Ardtacaíochta, Tionscadail Chomhchaidrimh don Aos Óg (TCAÓ) agus Scoileanna Coinneála Leanaí" (ga). www.gov.ie (2019-11-14). Dáta rochtana: 2024-05-24.
- ↑ An Garda Síochána / gov.ie (2013). "Tuarascáil Bhliantúil an Choiste arna Cheapadh chun Faireachán a Dhéanamh ar Éifeachtacht an Chláir Athstiúrtha".
- ↑ "Juvenile court" (as en) (2024-03-24). Wikipedia.
- ↑ "Youth detention center" (as en) (2024-05-17). Wikipedia.
- ↑ "Oberstown Children Detention Campus" (as en) (2024-05-20). Wikipedia.