Ár Lá Cuimhneacháin (1987)
| ||||
| ||||
| Cineál | ionsaí buamála  | |||
|---|---|---|---|---|
| Dáta na bliana | 8 Samhain 1987 | |||
| Suíomh | Inis Ceithleann, Northern Ireland | |||
| Rannpháirtí | ||||
| Líon básanna | 12 | |||
| Líon gortaithe | 63 | |||
Ar an 8 Samhain 1987, maraíodh aon duine dhéag agus gortaíodh trí scór i mbuama Inis Ceithleann (Contae Fhear Manach), nó Ár Lá Cuimhneacháin, 1987.[1][2] Bhásaigh duine eile a gortaíodh san ionsaí buamála sa bhliain 2000 tar éis dó trí bliana déag a chaitheamh i gcóma.
Ar an gcéad Domhnach i mí na Samhna 1987, bhailigh daoine le chéile in Inis Ceithleann chun cuimhneamh orthu siúd a maraíodh i gcogaí san am a chuaigh thart.[3][4]
Agus daoine ag bailiú le chéile ag leacht cuimhneacháin na gcogaí, phléasc buama agus caitheadh bruscarnach ar fud na háite.
Bhí Gordon Wilson agus a iníon, Marie, ábhar altra a bhí 20 bliana d’aois, clúdaithe cúpla troigh thíos faoin mbrablach. Feachtasóir ar son na síochána a bhí in Gordon Wilson níos déanaí.
Iarmhairtí
[cuir in eagar | athraigh foinse]Níor cúisíodh ná níor ciontaíodh aon duine riamh faoin ionsaí buamála. “Botún” a bhí i gceist, is cosúil dúirt an IRA gur phléasc an buama roimh am.[6]
Ag an am, mheas Máirtín Ó Muilleoir, Sinn Féin, go raibh sé tábhachtach an fód a sheasamh agus foréigean a úsáid. Ach i ndiaidh uafás Inis Ceithleann tháinig sé ar an tuiscint go mbeadh sé níb éifeachtaí cloí le modhanna polaitiúla agus na gunnaí a chur ar leataobh. Dúirt sé níos déanaí, “Inis Ceithleann an chéad cheann de na mór-uafáis a tharla a thug le fios domsa go raibh an streachailt armtha mícheart agus nach raibh sé ag dul a oibriú. Bhí ceist mhór mhorálta ann fosta mar go raibh daoine neamhurchóideacha ag fáil bháis.”[7]
Nochtadh leacht in Inis Ceithleann ar an 8 Samhain 2017 i gcuimhne na ndaoine a maraíodh san ionsaí buamála ar an mbaile.[8]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ "Beo! - Máirtín Ó Muilleoir". web.archive.org (2018-08-27). Cartlannaíodh an bunleathanach ar 2018-08-27. Dáta rochtana: 2020-11-07.
- ↑ Aodhagán Ó Raghallaigh. (1 Samhain 2007). "An tUltach 83 (11), lch20-21". Dáta rochtana: 2020.
- ↑ Clare Richards at Eden. "Revolutionary Christians Who Live the Gospel". www.eden.co.uk. Dáta rochtana: 2020-11-07.
- ↑ examinations.ie (SCRÚDÚ AN TEASTAIS SHÓISEARAIGH, 2012). "OIDEACHAS REILIGIÚNACH ― ARDLEIBHÉAL". Cartlannaíodh an bunleathanach ar 2001-05-21. Dáta rochtana: 2020.
- ↑ 5.0 5.1 "Gordon Wilson (peace campaigner)" (as en) (2020-09-02). Wikipedia.
- ↑ Denzil McDaniel (1997). "Enniskillen: The Remembrance Sunday Bombing" (as en). Wolfhound Press.
- ↑ Éamonn Ó Dónaill (Iúil 2001). "Máirtín Ó Muilleoir" (ga-IE). Beo!. Dáta rochtana: 2022-11-09.
- ↑ Nuacht RtÉ (2017-11-08). "Leacht cuimhneachnáin nua nochta in Inis Ceithleann inniu" (as ga).