S4C

Ón Vicipéid, an chiclipéid shaor.
S4C
Sianel Pedwar Cymru
S4C logo.svg
Saghas Comhlachta Craoltóir teilifíse
Bunaithe 1982
Suíomh Llanisien, Caerdydd
Tír(Tíortha) {{{tír}}}
Daoine Lárnacha Iona Jones (príomhoifigeach feidhmiúcháin)[1]
Méid fostaithe 154 (2008)[2]
Tionscail Seirbhísí teilifíse
Láithreán Gréasáin s4c.co.uk

Soláthraí chraoltóir teilifíse is ea Siannel Pedwar Cymru, nó an Stáisiún S4C (Eas Pedwar Ec) sa Bhreatain Bheag. Thosaigh sé ag craoladh ar an 1 Samhain, 1982.[3] Tá sé mar fhreagracht ag S4C seirbhís i mBreatnais a chur ar fáil le linn an bhuaic-ama craoltóireachta go príomha. Roimh a bunaíodh S4C, bhíothas ag brath ar chláir i mBreatnais ó am go chéile ar na seirbhísí teilifíse de chuid an BBC agus HTV sa Bhreatain Bheag. Is minic a craoladh iad sin go déanach san oíche nó ag tráthanna eile nach mbeadh an tóir orthu.

Le linn na 1970í, rinne gníomhaithe teanga feachtas láidir le go mbeadh seirbhís teilifíse i mBreatnais ar fáil. Dhiúltaigh roinnt daoine an ceadúnas teilifíse a íoc agus rinneadh dochar fiú do threalamh craolacháin. I 1980, rinne duine darbh ainm Gwynfor Evans troscadh poiblí tar éis do rialtas Margaret Thatcher dul siar ar ghealltanas a rinne siad i dtaobh an bealach Breatnaise.[3] I ndiaidh do dhaoine móra le rá sa Bhreatain Bheag ag an am sin ar nós Ardeaspag Cledwyn Hughes agus Goronwy Daniel bualadh le hairí rialtais Sasanacha, tháinig an rialtas ar athrú meoin agus aontaíodh go mbunófaí an bealach nua teilifíse. Ní S4C a tháirgeadh a chláir féin, ach choimisiúnaigh siad ó chomhlachtaí neamhspleácha iad, bhí cáil ar na beocháin a choimisiúnaigh siad ach go háirithe. Maoiníodh an tseirbhís go príomha trí thacaíocht ón Roinn Cultúir, Meán agus Spóirt i Westminster. Comhlíonann an BBC a dhualgas poiblí trí dheich uair an chloig de chláir a tháirgeadh gach seachtain, lena n-áirítear cláir a bhfuil tóir orthu mar an sobaldráma Pobol y Cwm (Muintir an Ghleanna) agus an clár Nuachta. Cosúil le seirbhísí eile poiblí an BBC, déantar iad seo a mhaoiniú trí cheadúnas teilifíse.

Chomh maith leis an gcraolachán ar fud na Breataine Bige, bíonn S4C á chraoladh go digiteach agus craoltar cruinnithe ón Tionól Náisiúnta sa Bhreatain Bheag freisin. Tá fáil ar an seirbhís trí ghlacadóirí satailíte, agus tríd an "Freeview" (Teilifís Dhigiteach trastíre atá ar fáil saor in aisce) agus ar sheirbhís teilifís cábla in áiteanna i ndeisceart na Breataine Bige.

Tagairtí[athraigh | edit source]