Nokia (cathair)

Ón Vicipéid, an chiclipéid shaor.
Nokia
Nokian kaupunki
Nokia
Suíomh

61°29′ Thuaidh 23°30′ Thoir

Rialtas
Tír: Flag of Finland.svg An Fhionlainn
Cúige: Cúige na Fionlainne Thiar
Méara: Markku Rahikkala
Déimeagrafaic
Achar: 347.77 km²
Daonra: 30,524
Dlús daonra: 105.9/km²
Teangacha oifigiúla: Fionlainnis
www.nokiankaupunki.fi

Nokia (go dtí an bhliain 1938 Pohjois-Pirkkala nó Pirkkala Thuaidh) suite i gCúige na Fionlainne Thiar, in aice le Tampere. Sa bhliain 2007, comhaireadh daonra 29,848 duine san áit, agus tá sí 347.8 ciliméadar cearnacha ar achar. Bunaíodh Pohjois-Pirkkala mar bhardas ar leith sa bhliain 1922, nuair a scoilteadh an seanpharóiste úd Pirkkala ina dhá leath, Pohjois-Pirkkala (Pirkkala Thuaidh) agus Etelä-Pirkkala (Pirkkala Theas), agus Loch Pyhäjärvi mar theorainn eatarthu - san am sin, teorainn nádúrtha a bhí ann, ó nach raibh droichead ná mórán caidrimh thar an loch. Sa bhliain 1938, hathainmníodh Pohjois-Pirkkala mar Nokia, agus baisteadh ainm an tseanpharóiste, Pirkkala, ar Etelä-Pirkkala.

De réir na seanteoirice, is é is ciall leis an bhfocal nokia ná "sáible" (Martes zibellina, nó sable as Béarla), is é sin, cineál ainmhí creiche atá cosúil leis an gcat crainn. I bhFionlainnis an lae inniu, áfach, úsáidtear an focal soopeli, a tháinig as an bhfoinse chéanna is an focal Béarla agus an téarma Gaeilge. Is beag Fionlannach inniu a shamhlaíonn sáible nó cat crainn leis an ainm sin Nokia, cé go bhfuil pictiúr an ainmhí ar armas na cathrach. Ní hé sin an t-aon teoiric atá ann, áfach. Deir na bitheolaithe inniu nach raibh sáiblí le fáil go nádúrtha i ndúlra na Fionlainne riamh, agus iad ag tabhairt le fios gurbh é an béabhar a bhí i gceist le nokia.

Sna 1970idí, cuireadh an dá pharóiste Tottijärvi agus Suoniemi le Nokia.

Naisc sheachtracha[athraigh | edit source]