Maolán (ceimic)

Ón Vicipéid, an chiclipéid shaor.

Sa cheimic, córas a fheidhmíonn i gcoinne athraithe. De ghnáth, tuaslagán nach n-athraíonn an pH ann nuair a chuirtear beagán d'aigéad nó bun láidir leis. Bíonn sé seo éifeachtach nuair a bhíonn aigéad is a bhun comhchuingreach i láthair, agus na tiúchain ionann is mar an gcéanna. Mar shampla, feidhmíonn aicéatáit (CH3COOH is CH3COO-) go maith mar mhaolán sa raon pH 4-5, carbónáit (H2CO3 is HCO3-) sa raon 6-8, agus amóinia (NH3 is NH4+) sa raon 9-10. Braitheann córais bhitheolaíochta ar mhaoláin go príomha chun luachanna tairiseacha pH a chaomhnú.