Arm na Breataine

Ón Vicipéid, an chiclipéid shaor.
Bratach

Arm na Breataine ar ceann de na hairm is mó ar fud an domhain. Is é an brainse cos-slua d'Fhórsaí Armtha na Breataine, agus tháinig sé ar an bhfód sa bhliain 1707, nuair a ceanglaíodh Arm Shasana agus Arm na hAlban dá chéile, agus an dá thír sin á n-aontú leis an Ríocht Aontaithe a dhéanamh. San arm nua, bhí reisimintí ag teacht le chéile a bhí ann roimh aontú an dá arm, agus an t-iomlán acu á rialú ó Oifig na Cogaíochta i Londain.

In Aibreán 2007, bhí 110,580 saighdiúir lánaimseartha san Arm, chomh maith le 38,460 saighdiúir páirtaimseartha. Is gnách an tArm Rialta a thabhairt ar na saighdiúirí lánaimseartha, agus is iad na saighdiúirí páirtaimseartha Arm na gCríoch (nó an Territorial Army as Béarla). Bhí 8,000 saighdiúir lánaimseartha in Éirinn sa bhliain 2006, an leibhéal is lú ó na 1960í anuas.