An Mhacadóinis

Ón Vicipéid, an chiclipéid shaor.
An Mhacadóinis
(Македонски јазик, Makedonski jazik)
Á labhairt: Poblacht na Macadóine, An Albáin, An Bhulgáir, An Ghréig, An tSeirbia, srl.
Réigiún: Na Balcáin
Cainteoirí san Iomlán: 1.6 – 3 mhilliún
Rang: 180
Líne ghinealaigh: Ind-Eorpais

 Slavach
  Slavach an Deiscirt
   Slavach an Oirdheiscirt
    An Mhacadóinis

Stádas Oifigiúil
Teanga Oifigiúil: Poblacht na Macadóine
Foras Pleanála Teanga: Institiúid "Krste Misirkov" na Macadóinise
Cóid teangeolaíocha
ISO 639-1 mk
ISO 639-2 mac
ISO 639-3 mkd
Amharc ar: TeangaLiosta Teangacha

Is í an Mhacadóinis teanga oifigiúil na Macadóine (is é sin, iar-Phoblacht Iúgslavach na Macadóine). Tá sí an-chosúil leis an mBulgáiris, nó tá an dá theanga seo tar éis córas na dtuiseal a chailleadh go hiomlán. San am chéanna, áfach, tá córas aimsirí na mbriathar i bhfad níos casta sa dá theanga seo ná sa chuid is mó de na teangacha Slavacha. Mar sin, is féidir a rá gur canúint de chuid na Bulgáirise í an Mhacadóinis.

Ón taobh eile de, tá a ceartlitriú féin ag an Macadóinis, agus cuid mhór den téarmaíocht agus den stór focal teibí níos cosúla leis an tSeirbis ná leis an mBulgáiris. Thairis sin, is gnách le lucht téarmaíochta agus pleanála teanga na Macadóine dul ar lorg téarmaí nua sna canúintí, nó iad a chumadh in aithris ar mhúnlaí focalfhréamhaithe na gnáthchainte. Tá an Bhulgáiris i bhfad níos mó ag brath ar an Rúisis agus ar an tSean-Slaivis Eaglasta le haghaidh múnlaí téarmaíochta.

Glactar leis gurbh é Krste Misirkov a chuir bun le traidisiún liteartha na Macadóinise leis an leabhar Za makedonckite raboti ("I dtaobh chúrsaí na Macadóine") sa bhliain 1903.