William Heinesen

William Heinesen
Heinesen ar stampa phoist ó Oileáin Fharó
Dáta breithe	15 Eanáir, 1900
	Tórshavn, Oileáin Fharó
Dáta báis	12 Márta, 1991
	Tórshavn, Oileáin Fharó
Náisiúntacht	Faróch
Gairm	Scríbhneoir, cumadóir agus ealaíontóir

Scríbhneoir agus ealaíontóir Faróch a bhí in Andreas William Heinesen a saolaíodh ar an 15 Eanáir 1900 i dTórshavn (príomhchathair Oileáin Fharó) agus a shíothlaigh ar an 12 Márta 1991 san áit chéanna. Cé go raibh Faróis ó dhúchas aige, scríobh sé formhór mór a chuid leabhar as Danmhairgis, nó ní raibh mórán litríochta ar fáil as Faróis nuair a chuaigh sé ar scoil.

I dtús a réime bhí sé ina fhile, ach ba iad na húrscéalta agus na gearrscéalta a thabhaigh a chlú dó. Is é Tórshavn timpeallacht na n-imeachtaí ina chuid scríbhinní, ach san am chéanna, bíonn scéalta Heinesen ar maos le misteachas is le draíocht, agus is téama tábhachtach í streachailt an duine le fórsaí na farraige.