Turcaí
Meleagris  | |
|---|---|
 | |
| Taifead | |
| |
| Sonraí | |
| Is foinse é an tacsón seo de | feoil turcaí agus turkey egg (en)  |
| Tacsanomaíocht | |
| Aicme | Aves |
| Ord | Galliformes |
| Fine | Phasianidae |
| Fofhine | Meleagridinae |
| Géineas | Meleagris Linnaeus, 1758 |
| Ainmníocht | |
| Ainmnithe in ómós | Peiriú |
.svg){kind=icon}
Is éan mór sa ghéineas Meleagris é an turcaí, cosúil le piasún, dúchasach do Mheiriceá Thuaidh agus Láir. Tá turcaithe i measc na n-éan is mó ina raon.[1]
Speiceas
[cuir in eagar | athraigh foinse]Tá dhá speiceas turcaí ann:
- an turcaí fiáin (Meleagris gallopavo) in oirthear agus lár Mheiriceá Thuaidh, agus
- an turcaí súileach (Meleagris ocellata) ar Leithinis Yucatán i Meicsiceo.
Tréithe
[cuir in eagar | athraigh foinse]- A cheann nocht. An fireannach le filleadh crochta craicinn ag bun a ghoib agus spor starraiceach ar gach cos. Tá sprochaille sainiúil ag fireannaigh den dá speiceas turcaí, atá ar crochadh ó bharr an ghoib.
- Mar is amhlaidh le go leor éan mór a itheann ar an talamh (ord Galliformes), tá na cinn fhireanna níos mó agus i bhfad níos dathúla ná na cinn bhaineanna.
- Áitríonn sé coillearnach mheasctha. Uiliteach. A chlúmh dorcha breac, ach na saghsanna saothraithe níos éadroime.
Stair
[cuir in eagar | athraigh foinse]Tháinig na turcaithe is luaithe chun cinn i Meiriceá Thuaidh breis is 20 milliún bliain ó shin. Roinneann siad sinsear coitianta le cearca fraoigh, le piasúin, agus le héanlaith eile. Is é an turcaí fiáin sinsear an turcaí clóis, a ceansaíodh timpeall is 2,000 bliain ó shin, b'fhéidir.
Anois bíonn an turcaí an-choitianta mar éanlaith clóis, i gcomhair na Nollag go háirithe.
Comparáid
[cuir in eagar | athraigh foinse]Tá sicíní agus turcaithe cosúil lena chéile maidir le dhá phríomhthréith. Tá cosa ar a dtugtar crúibíní ag an dá cheann acu. Tá na crúibíní seo an-láidir agus úsáideann siad iad chun tochailt sa chré chun bia a fháil. Ina theannta sin tá goba géara ag an dá cheann acu chun bheith ag gobadh ar fheitheidí agus ar ghráinní.[2]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ Hussey, Matt (2011). "Fréamh an Eolais" Coiscéim.
- ↑ agriaware.ie. "Bia ón bhfeirm". Cartlannaíodh an bunleathanach ar 2023-06-18. Dáta rochtana: 2023.