Scríobh Leabhar
| Cineál | comórtas scríbhneoireachta  | ||
|---|---|---|---|
| Tréimhse | 2021 - | ||
| Tír | Éire | ||
| Moltóir | Foras na Gaeilge | ||
| Suíomh gréasáin | forasnagaeilge.ie… | ||
Spreagann an feachtas Scríobh Leabhar páistí in Éirinn le leas a bhaint as a gcumas cruthaitheach agus leabhar a scríobh i nGaeilge. Foras na Gaeilge a urraíonn an comórtas seo.
Reáchtáiltear an tionscadal i gcomhpháirt le hionaid oideachais éagsúla ar fud na hÉireann. Tugann Scríobh Leabhar deis do pháistí bunscoile a gcuid leabhar féin a scríobh, a dhearadh, agus a fhoilsiú as Gaeilge. Cuireann an tionscadal léitheoireacht agus scríbhneoireacht na Gaeilge chun cinn i measc páistí óga.
Déanann na páistí a gcuid leabhar féin a scríobh, a mhaisiú agus a cheangal faoi threoir a múinteoirí. Cuireann an tionscadal an-bhéim ar an bpróiseas scríbhneoireachta féin, agus is tionscadal an-solúbtha atá ann. Féadann gach páiste sa rang a leabhar féin a scríobh ina aonar, nó comhoibriú i ngrúpaí, nó is féidir leis an rang ar fad leabhar a scríobh le cheile. Faigheann gach páiste a ghlacann páirt i Scríobh Leabhar teastas agus duais.