Roseau

Ón Vicipéid, an chiclipéid shaor.
Roseau ón aer

Is é Roseau (Kwéyòl: Wozo) príomhchathair Dhoiminice agus an chathair is mó sa tír. Tá 16,582 duine ina gcónaí ann i lonnaíocht bheag chúng. Tá Roseau suite i bParóiste St. George idir Muir Chairib agus an Abhainn Roseau ar thaobh thiar (taobh na fothana) oileán Dhoiminice.

Pórt trádála onnmairithe atá ann; easpórtáiltear bananaí, ola labhróige, glasraí, torthaí citris agus cócó. Tá seirbhísí tábhachtach i ngeilleagar na cathrach freisin, turasóireacht san áireamh.

Stair[athraigh | athraigh vicithéacs]

Tháinig na Francaigh sna 16ú agus 17ú haoiseanna. D'ainmnigh siad an baile as na giolcaigh (roseau sa Fhraincis a fuair siad ag fás ar bhruacha an Abhainn Roseau. Leag siad an baile amach ar an nós Francach le sráideanna a shíneann amach as pointe lárnach, Old Market Plaza i gcás Roseau. Nuair a ghabh na Briotanaigh Roseau, chuir siad a gcruth féin ar an mbaile agus iad ag tógáil comharsanachtaí nua i bhfoirm eangaí. Tán an tionchar Francach agus Briotanach le feiceáil i gcónaí i seanfhoirgnimh Roseau.

Seanteach den seanstíl choilíneach Fhrancach in Roseau

Naisc sheachtracha[athraigh | athraigh vicithéacs]