Ronnie Drew
  | |
| Beathaisnéis | |
|---|---|
| Breith | 16 Meán Fómhair 1934 Dún Laoghaire, Éire |
| Bás | 16 Lúnasa 2008 73 bliana d'aois Baile Átha Cliath, Éire |
| Siocair bháis | Bás nádúrtha (Ailse éasafagach) |
| Faisnéis phearsanta | |
| Scoil a d'fhreastail sé/sí | Coláiste na mBráithre Críostaí, Baile na Manach |
| Gníomhaíocht | |
| Gairm | aisteoir, aisteoir stáitse, aisteoir scannáin, giotáraí, amhránaí, cumadóir |
| Tréimhse oibre | 1956 – |
| Seánra | Ceol na hÉireann |
| Uirlis | Giotár agus ceol gutha |
| Lipéad ceoil | Sony Music |
| Teaghlach | |
| Páiste | Phelim Drew |
      
 | |
B'amhránaí agus ceoltóir traidisiúnta Éireannach é Ronnie Drew (16 Meán Fómhair 1934 – 16 Lúnasa 2008). Bhí sé ina phríomhamhránaí leis an ngrúpa ceoil thraidisiúnta The Dubliners, rud a thuill an cháil is mó dó. Chuir sé tús le gairm cheoil mar amhránaí aonair sa bhliain 1995.
Óige
[cuir in eagar | athraigh foinse]Rugadh Ronnie Drew i nDún Laoghaire sa bhliain 1934. Chaith sé tamall i Sevilla na Spáinne sna 1950idí ag múineadh Béarla agus ag foghlaim cheol na Spáinne agus bhain sé líofacht amach sa Spáinnis ansin.[1]
The Dubliners
[cuir in eagar | athraigh foinse]Bhunaigh Ronnie Drew The Dubliners in éineacht le Luke Kelly, Ciaran Bourke agus Barney McKenna i 1962. Bhí an t-ainm The Ronnie Drew Group orthu ar dtús, ach ghlac siad an t-ainm The Dubliners chucu féin de réir a chéile. Aithníodh Ronnie as an nguth greanach a bhí aige agus é ag canadh agus chuir muintir Bhaile Átha Cliath aithne orthu agus ar a gcuid ceoil le linn dóibh a bheith ag seinm go rialta i dTeach Tábhairne O'Donoghue's ar Rae Mhuirfean. Díríodh aird mhór ar an mbanna nuair a bhí amhrán mór-ráchairte acu i gcairteacha ceoil na Ríochta Aontaithe sa bhliain 1967, mar atá, Seven Drunken Nights agus chuaigh an grúpa ar an gclár ceoil cáiliúil, Top of the Pops, chun é a chasadh. Ach chuir RTÉ cosc ar chasadh an amhráin ar a stáisiúin siúd mar gheall ar liricí an amhráin a bheith gáirsiúil, dar leo.
Ach d'éirigh Ronnie tinn tuirseach den síorthaisteal a bhí á dhéanamh ag an mbanna de réir a chéile. D'fhág sé an banna ar feadh tréimhse idir 1975 agus 1979. D'fhág sé an grúpa go buan ina dhiaidh sin, i 1995. Tugadh onóir dó mar cheoltóir ar 22 Lúnasa 2006 nuair a feistíodh múnla de lorg a lámh ar an gcosán taobh amuigh d'Amharclann an Gaiety i mBaile Átha Cliath.[2]
Bás
[cuir in eagar | athraigh foinse]Fuair Ronnie Drew bás ag 2.40in ar 16 Lúnasa 2008 in Ospidéal Naomh Uinseann i mBaile Átha Cliath.[3] Bhí ailse scornaí air le tamall fada roimhe sin agus bhí a bhean chéile tar éis bás a fháil an bhliain roimhe sin.[4] Cuireadh é sna Clocha Liatha, i gContae Chill Mhantáin, áit a raibh sé ag cur faoi le fada go dtí gur bhásaigh sé.[5] Bhí beirt pháistí acu, mar atá, Phelim agus Clíodhna.
Dioscliosta
[cuir in eagar | athraigh foinse]- Ronnie Drew (1975)
- Guaranteed (1978)
- Dirty Rotten Shame (1995)
- The Humour Is On Me Now (1999)
- A Couple More Years (le Eleanor Shanley) (2000)
- An Evening With Ronnie Drew (2004)
- El Amor De Mi Vida (le Eleanor Shanley) (2006)
- A New World (EP) (2006)
- There's Life In The Old Dog Yet (2006)
- Pearls (album) (le Grand Canal) (2007)
Tagairtí
[cuir in eagar | athraigh foinse]- ↑ "Cóip cartlainne". Cartlannaíodh an bunleathanach ar 2008-10-09. Dáta rochtana: 2008-08-21.
- ↑ http://www.rte.ie/arts/2006/0823/drewr.html
- ↑ http://www.tribune.ie/news/home-news/article/2008/aug/17/folk-legend-ronnie-drew-passes-away/[nasc briste go buan]
- ↑ http://www.independent.ie/national-news/wife-of-dubliners-star-ronnie-drew-dies-693282.html
- ↑ http://www.rte.ie/news/2008/0819/drewr.html