Pliska

Ón Vicipéid, an chiclipéid shaor.
Seanbhaisleach Pliska, arna deisiú
Suíomh Pliska (cearnóg bheag dhearg) sa Bhulgáir

Príomhchathair Impireacht na Bulgáire ar feadh tréimhse sa lua-mheánaois ab ea Pliska (Bulgáiris: Плиска; IPA: ˈpliskɐ), agus é suite in oirthuaisceart na Bulgáire. Tá baile beag ar a dtugtar Pliska go fóill in aice suíomh na seanchathrach in Oblast Shumen, in aice Nowi Pasar.

Tá fothracha sheanphríomhchathair Chéad Impireacht na Bulgáire ina suíomh seandálaíochta inniu. Tá an suíomh suite 7km siar ó Nowi Pasar. Tá baile an lá inniu suite 2km ó dheas ó na fothracha, 140 méadar os cionn leibhéal na farraige. Sa bhliain 2007 bhí cónaí ar 1,243 duine ann. Tá Pliska 404km ó Shóifia, príomhchathair na Bulgáire inniu.

Bhí Pliska ina príomhchathair ar Impireacht na Bulgáire sna blianta AD 681–893. Ina dhiaidh sin, ghlac Preslav áit Pliska mar phríomhchathair.