Naomh Cilian

Ón Vicipéid, an chiclipéid shaor.
Jump to navigation Jump to search
Cilian, Würzburg, "Alte Mainbrücke" / abhainn Main

Naomh Éireannach ba ea Cilian (nó CillianChillenus[1]), a rugadh sa Mhullach i gContae an Chabháin tuaraim is 640 agus a cuireadh chun báis in Würzburg[2] na Gearmáine ar 8 Iúil 689.[3]

Saol[cuir in eagar | athraigh foinse]

I bparóiste an Mhullaigh i gContae an Chabháin i ndeoise Chille Móire a rugadh Naomh Cillian, de réir dealraimh. Oileadh Cilian ina mhanach agus oirníodh é ina easpag i lár na seachtú aoise.

In éineacht le haon chompánach déag, d’fhág sé Éire (mar aon leis An Dá Aspal Déag) agus chas sé leis an pápa sa Róimh. Le himeacht aimsire shroich sé Wurzburg sa Ghearmáin, áit ar cuireadh fáilte chroíúil roimhe ag an Diúc Gozbert. Rinne sé soiscéalaíocht fud fad an cheantair tuaraim is 686. Thugtaí aspal Thuringia agus Franconia Thoir air (i dtuaisceart Bayern na Gearmáine anois).

Cilian agus Herzog Gosbertː Straßburger Codex, timpeall 1418

Finscéal[cuir in eagar | athraigh foinse]

Thiontaigh taoiseach na Francóine, Gospert, ina Chríostaí agus lean cuid maith dá phobal dó le báisteach. Dá ainneoin sin, bhí Cilian míshásta le caighdeán moráltachta chúirt an Diúic, rud a chuir se in iúl go poiblí.

Ach bhí Gosbert pósta le bhaintreach a dheartháir, Gailana. Bhí Gailana i gcoinne dlí na heaglaise agus d'ordaigh Cilian do Ghosbert scaradh uaithi. Ach mar gheall ar seo, shocraigh Gailana Cilian agus a chomhoibrithe Colmán (nó Colonan nó Kolonat) agus Totnán a chur chun báis. Baineadh an ceann de na fir (b'fhéidir)[4], timpeall 689[5].

Cilian, Colmán agus Totnán

Tionchar[cuir in eagar | athraigh foinse]

Tá deabhóid mhór do Naomh Cilian go fóill i Wurzburg, áit ina bhfuil a chorp adhlactha, agus ar fud cheantar na Baváire chomh maith.

Déantar comóradh ar Naomh Cilian, Colmán agus Totnán ar 8 Iúil agus tugtar onóir dóibh mar aspail na Francóine.

taisí naoimh i Wurzburg inniu

Tagairtí[cuir in eagar | athraigh foinse]

  1. Revue Celtique 23 (1870). "PLUSIEURS SAVANTS DES ILES BRITANNIQUES ET DU CONTINENT" ("l'orthographe Chillenus est la plus ancienne; les notations CiUiamis et Killianits sont plus récentes"). Paris. 
  2. "St. Kilian" . Catholic Encyclopedia Volume 8. 
  3. "Naomh Cillian, easpag agus mairtíreach: Iúil 8 | Cumann na Sagart". www.cumannnasagart.ie. Dáta rochtana: 2020-07-08.
  4. "Saint Kilian | Irish missionary" (en). Encyclopedia Britannica -. Dáta rochtana: 2020-07-08 ach níl foinsí ann agus níl muid cinnte gur bhaineadh an cloigeann de na fir.
  5. 688 ar http://www.cumannnasagart.ie/