Mr. Lordi

Mr. Lordi
Saol
Ainm iomlán	Tomi Petteri Putaansuu
Eolas breithe	Rovaniemi, Feabhra 15, 1974(47 bliain d’aois)
Náisiúntacht	An Fhionlainn
Oideachas
Teangacha	An Béarla An Fhionlainnis
Gairm
Gairm	amhránaí, file, amhránaí is scríbhneoir, cartúnaí agus ceoltóir
Ballraíocht	Lordi
Gluaiseacht ealaíne	rac-cheol crua
Uirlis cheoil	ceol gutha
Lipéad ceoil	Sony BMG (en)
IMDb	nm1073511

Rac-cheoltóir Fionlannach is ea Tomi Petteri Putaansuu, nó Mr. Lordi. Saolaíodh i Rovaniemi é ar an 15ú lá de Mhí Feabhra sa bhliain 1974. Tá sé i gceannas ar an mbanna ceoil Lordi, a bhunaigh sé sa bhliain 1996, agus is é an banna seo ba mhó a thabhaigh clú agus cáil dó, ó rug siad bua i gComórtas Amhrán na hEoraifíse sa bhliain 2006.

Is é bréagriocht an arrachtaigh an chuid is suntasaí d'íomhá phoiblí Lordi, agus Putaansuu ag déanamh a dhíchill le féachaint chuige nach bhfoilseofaí grianghrafanna de féin ná de bhaill an bhanna ach iad a bheith sa bhréagriocht. San am céanna, is eisean a réitíonn an chuid is mó de chaidreamh poiblí an bhanna. É féin a dhearann na púicíní agus an smideadh.

Bhí Tomi Putaansuu tugtha do Kiss agus do Gene Simmons ó bhí sé óg, agus é an-ghníomhach i gclub lucht adhartha Kiss san Fhionlainn.

I dtús Mhí Lúnasa 2006, phós sé Johanna Askola, a raibh lámh agus focal idir eisean agus ise le fada.