Military Reaction Force

Military Reaction Force
Sonraí
Ainm gearr	MRF
Cineál	feadhain mhíleata
Stair
Dáta a bunaíodh	1971
Rud nó duine a tháinig ina áit	14 Intelligence Company (en)

Aonad faoi cheilt in Arm na Breataine ba ea an Military Reaction Force (MRF), gníomhach idir lár 1971 – tús 1973. Mharaigh saighdiúirí ón aonad sin Poblachtaigh agus daoine nach raibh armtha i mBéal Feirste i dtús na seachtóidí.^[1]

Tiarna agus Ginearál Sir Francis Richard Dannatt, KCB, CBE, MC. Bronnadh an "Military Cross" air in 1972, am nuair a bhí sé i dTuaisceart Éireann. Ní raibh sé sásta gur gcuireadh an dlí ar saighdiúirí 50 bliain níos déanaí^[2]

Sceimhlitheoireacht

Bunaíodh an MRF i 1971 le hionsaithe sceimhlitheoireachta a dhéanamh ar Chaitlicigh le súil an bonn a bhaint de thacaíocht an phobail náisiúnaigh don IRA. Cuid de straitéis frithcheannairce na Breataine a bhí ann ar cuireadh barr feabhais air roimhe sin sa Mhalae, sa Chéinia agus i dtíortha eile, agus atá luaite leis an nGinearál Frank Kitson go háirithe.^[3]

Bhí sé á rá ag náisiúnaithe ó dheireadh na seascaidí i leith go raibh sceimhlitheoireacht ar bun ag stát na Breataine i gcaitheamh na coimhlinte sa Tuaisceart, agus bhí an MRF ar thús cadhnaíochta sa sléacht. Mar shampla, mharaigh saighdiúirí ón MRF Daniel Rooney ar Bhóthar San Séamas ar an 26 Meán Fómhair 1972.

Sa chás is cáiliúla, ar an 13 Bealtaine 1972, lámhachadh agus maraíodh Patrick McVeigh, 44 bliain d'aois agus fear Caitliceach, agus gortaíodh ceathrar eile. Bhí siad ag comhrá le chéile ar an tsráid i gceantar Bhaile Andarsan in iarthar Bhéal Feiste. Scaoileadh leo ó gluaisteán a bhíothas a thiomáint tríd an gceantar ag an am agus chreid náisiúnaithe i gcónaí gur saighdiúirí nó gníomhairí eile na Breataine a bhí sa ghluaisteán.

Rud atá íorónta, bhí seal caite ag Patrick McVeigh é féin in Arm na Breataine.

Fiosrúcháin

Chuir póilíní an Tuaiscirt tús le fiosrúchán nua faoi na hionsaithe lámhaigh i bhfianaise ar tháinig chun solais i gclár faisnéise an BBC sa bhliain 2013.^[4]

In 2024, is fearr déanach ná riamh, bhí sé fógartha ag an tSeirbhís Ionchúiseamh Poiblí sa Tuaisceart go raibh iarshaighdiúir in Arm na Breataine le cúiseamh i bhfear Caitliceach a dhúnmharú agus in iarracht a dhéanamh ceathrar eile a dhúnmharú i mBéal Feirste i 1972. "Saighdiúir F" atáthar a thabhairt ar an bhfear atá le cúiseamh ina dhúnmharú (ní hé an 'Saighdiúir F' céanna é atá cúisithe i ndúnmharú i nDoire Domhnach na Fola).. Bhí Saighdiúir F,chomh maith le triúr eile dá ngairtear Saighdiúirí B, C agus D, le cúiseamh i mbeirt Chaitliceach eile a lámhach agus in iarracht a dhéanamh iad a dhúnmharú an lá sular dúnmharaíodh Patrick McVeigh.

Féach freisin

Tagairtí

↑ Nuacht RTÉ (2024-02-08). "Saighdiúir F eile le cúiseamh i ndúnmharú i mBéal Feirste" (as ga).
↑ "Lord Dannatt: Troubles veterans 'should not be charged so long after event'" (en-GB) (2024-02-09). Dáta rochtana: 2024-02-11.
↑ Nuacht RTÉ (2025-03-19). "Dúnmharú Patrick McVeigh: tús le héisteacht i dtriail saighdiúra" (as ga).
↑ "Police urged to probe MRF claims" (en-GB). BelfastTelegraph.co.uk (2013-11-22). Dáta rochtana: 2024-02-11.

[1] Nuacht RTÉ (2024-02-08). "Saighdiúir F eile le cúiseamh i ndúnmharú i mBéal Feirste" (as ga).

[2] "Lord Dannatt: Troubles veterans 'should not be charged so long after event'" (en-GB) (2024-02-09). Dáta rochtana: 2024-02-11.

[3] Nuacht RTÉ (2025-03-19). "Dúnmharú Patrick McVeigh: tús le héisteacht i dtriail saighdiúra" (as ga).

[4] "Police urged to probe MRF claims" (en-GB). BelfastTelegraph.co.uk (2013-11-22). Dáta rochtana: 2024-02-11.

[1]

[2]

[3]

[4]