Mabinogi

An Dá Rí (dealbhóir Ivor Robert-Jones, 1984) in aice le Caisleán Harlech, sa Bhreatain Bheag. Iompraíonn Bendigeidfran corp a nia Gwern.

Is éard is an Mabinogi ann ná an teideal a thugtar do bhailiúchán na haon déag scéalaíochta próis ó lámhscríbhinní meánaoiseacha Breatnaise. Tarraingíonn na scéalta ar an mhiotaseolaíocht Cheilteach réamh-Chríostaí , móitífeanna na seanscéalta idirnáisiúnta, agus traidisiúin luath-stairiúil na meánaoiseanna. Cé gur féidir go dtéann roinnt sonraí ar ais go dtí traidisiúin na hIarannaoise, is táirge gach ceann de na scéalta de thraidisiún reacaireachta an-fhorbartha meánaoiseacha na Breataine Bige, idir labhartha agus scríofa. Ba í an bhantiarna Charlotte Guest i lár an 19ú haois an chéad duine a d'fhoilsigh aistriúchán Béarla den bhailiúchán, agus bhain úsáid as an t-ainm "Mabinogion" ag an am céanna.