Log na Sionna
(ga) Log na Sionna  | ||||
| ||||
| Cineál | Loch | |||
|---|---|---|---|---|
| Logainm.ie | 105065 | |||
| Suíomh | ||||
| Tír abhantraí | Éire | |||
| Limistéar riaracháin | Éire | |||
| ||||
| Eisilteach | An tSionainn | |||
.jpg?lang=ga)
Is loch i gContae an Chabháin é Log na Sionna.[1] Is as a thagann an tSionainn. Doire Leathan atá ar an mbaile fearainn a bhfuil sé ann, agus níl sé i bhfad ón Damhshraith, ón mBlaic ná ó Ghleann Ghaibhle. Tá sé ceangailte le linnte eile, péire i gContae Fhear Manach ina measc. 16 méadar (52 troigh) ar leithead atá an linn seo agus tumadh 14.6 méadar (48 troigh) síos inti cheana.
Stair
[cuir in eagar | athraigh foinse]Tá tagairt do Log na Sionna i ndán a chum Giolla na Naomh Ó hUiginn thart ar 1349 agus atá le fáil i Leabhar Mhéig Shamhradháin: "Innte a-tá an tiobra as dtig Sionann/sruth as uaisle i n-Inis Fháil" (Inti atá an tobar as a dtagann an tSionainn, sruth is uaisle in Inis Fáil). I 1971 a rinne taiscéalaíocht istigh sa Log den chéad uair. Thum Roger Solari agus John Elliot 6 mhéadar síos ann. I 2008 agus 2009, chuaigh Alasdair Kennedy agus Paul Doig, agus Artur Kozłowski ina ndiaidh sin, níos faide síos ann agus fuair siad uaimh a raibh sruth láidir uisce ag teacht aníos tríd an urlár inti.
Seanchas
[cuir in eagar | athraigh foinse]De réir an tseanchais, is iníon le Manannán mac Lir a bádh sa linn seo is bunús le hainm na Sionainne. Tháinig sí go dtí an áit gan chead le torthaí a ithe ó chrann a bhí curtha ag na draoithe, agus shreabh uisce na habhann amach nuair a bádh í.[2]
Tagairtí
[cuir in eagar | athraigh foinse]- ↑ “Log na Sionna/Shannon Pot | logainm.ie” (ga). Bunachar Logainmneacha na hÉireann (Logainm.ie). An Coimisiún Logainmneacha. Dáta rochtana: 2023-06-24.
- ↑ Meehan, Cary (2004). "Sacred Ireland". Somerset: Gothic Image Publications.