Loch Champlain

Loch Champlain

(abe) Pitawbagw (mis) Kaniatarakwà:ronte
Cineál	Loch
Ainmnithe in ómós	Samuel de Champlain
Suíomh
Limistéar riaracháin	Montérégie, Quebec (en) , Vermont, SAM, Nua-Eabhrac, SAM agus Québec, Ceanada
44.53°N 73.33°W / 44.53; -73.33
Craobh-abhainn	Otter Creek (en) ,Abhainn Missisquoi ,Abhainn Winooski ,Abhainn La Chute ,Abhainn Ausable ,Abhainn Pike ,Abhainn Saranac ,Abhainn Lamoille
Eisilteach	Abhainn Richelieu
Abhantrach draenála	Lake Champlain basin (en)
Tréithe
Airde os cionn na farraige	30 m
Doimhneacht ingearach	122 m
Toisí	23 () × 201 () km
Imlíne	945 km
Achar	1,269 km²
Abhantrach	21,326 km²

Loch nádúrtha fionnuisce i Meiriceá Thuaidh is ea Loch Champlain (Béarla: Lake Champlain, Fraincis: lac Champlain). Tá an chuid is mó den loch suite i stáit Nua-Eabhrac agus Vermont sna Stáit Aontaithe, ach tá an chuid is faide chun tuaiscirt i gCúige Québec i gCeanada. Tá an loch ainmnithe i ndiaidh Samuel de Champlain, an taiscéalaí Francach a tháinig ar an loch sa bhliain 1609.

Geolaíocht

Tá Loch Champlain 1,269 ciliméadar cearnach (490 míle cearnach) d’achar. Tá sí amuigh is istigh ar 201 km (125 míle) ar fad agus 23 km (14 míle) trasna ag an bpointe is leithne. 400 troigh (120 méadar) an pointe is doimhne sa loch. Tá an loch idir 95 agus 100 troigh (29 go 30 m) os cionn meánleibhéal na farraige, ag brath ar an séasúr.

Téann stair na locha 20,000 bliain siar go deireadh na hoighearaoise deireanaí. Tá Loch Champlain suite i nGleann Champlain, agus é seo á thaoscadh ag an loch. Taoscann an Abhainn Richelieu an loch féin ó thuaidh isteach san Abhainn San Labhrás. Is cuid den Ghleann Mór Apaláiseach é Gleann Champlain, a shíneann ó Alabama san iardheisceart go Gleann na Saint Lawrence.