Kristallnacht

Ón Vicipéid, an chiclipéid shaor.
An Sionagóg Ortadocsach Ohel Jakob , Herzog-Rudolf-Straße, München, tar éis an t-ionsaí ar an 9 Samhain, 1938

Is éard a bhí i gceist le Kristallnacht, nó Oíche na Gloine Briste, ar a dtugtar freisin Reichskristallnacht, Pogromnacht, agus Novemberpogrome, ná pogram nó sraith d'ionsaithe i gcoinne na nGiúdach ar fud Ghearmáin na Naitsithe agus páirteanna na hOstaire ar an 9-10 Samhain, sa bhliain 1938.

Scriosadh tithe Giúdacha maille le siopaí, bailte agus sráidbhailte, nuair a d'ionsaigh baill den fhórsa paraimíleatach (Gearmáinis: Sturmabteilung) agus sibhialtaigh foirgnimh le ceapoird, ag fágáil na sráideanna clúdaithe le píosaí d'fhuinneoga briste- bunús an téarma "Oíche na Gloine Briste". Maraíodh 91 Giúdach, agus glacadh 30,000 Giúdach fireannn - an ceathrú cuid d'fhir Giúdacha na Gearmáine - chuig sluachampaí géibhinn, áit ar céasadh iad ar feadh tréimhse míosa, le os cionn 1,000 duine acu ag fáil bháis. Scriosadh timpeall 1,668 sionagóg, agus loisceadh 267 dóibh. I Vín, scriosadh 95 sionagóg nó tithe urnaí.