Kris Kristofferson

Kris Kristofferson
	;
Beathaisnéis
Breith	(en) Kristoffer Kristofferson ; 22 Meitheamh 1936; Brownsville, Texas
Bás	28 Meán Fómhair 2024 ; 88 bliana d'aois; Hana, Hawaii
Faisnéis phearsanta
Scoil a d'fhreastail sé/sí	Coláiste Merton, Oxford - Bachelor of Philosophy (en) ; Ardscoil San Mateo ; Coláiste Pomona - Baitsiléir Ealaíon ; Ollscoil Oxford - Máistir Ealaíon
Áit chónaithe	Malibu; Hana
Teanga dhúchais	Béarla
Gníomhaíocht
Réimse oibre	Ceol tuaithe, cumadóireacht, amhránaíocht, aisteoireacht agus music composition (en)
Gairm	aisteoir scannáin, ealaíontóir taifeadta, aisteoir gutha, saighdiúir (–1965), giotáraí, amhránaí, cumadóir, amhránaí is scríbhneoir, aisteoir
Tréimhse oibre	1959 – 2021
Ball de	The Highwaymen ; Phi Beta Kappa
Seánra	Ceol tuaithe, contemporary folk music (en) agus rac-cheol
Teangacha	Béarla
Gairm mhíleata
Céim mhíleata	captaen
Cineál gutha	Baratón; ;
Uirlis	Giotár, pianó, armónach agus ceol gutha
Lipéad ceoil	Monument Records ; Warner Music Group ; Mercury Records ; Columbia Records ; Warner Records
Teaghlach
Céile	Rita Coolidge (1973–1980)
Athair	Henry Kristofferson agus Mary Ann Ashbrook
	Gradam a fuarthas (2014) Gradam Saoil Grammy; (2006) Gradam Johnny Mercer; (2003) "Spirit of Americana" Free Speech Award (en) ; (14 Márta 1972) Grammy Award for Best Country Song (en) , as a saothar Help Me Make It Through the Night (en) ; (1958) Scoláireacht Rhodes; National Defense Service Medal (en) ; Willie Nelson Lifetime Achievement Award (en) ;
	Ainmnithe do (1985) Gradam Acadaimh don Scór Amhrán Bunaidh is Fearr, as a saothar Songwriter (en) ; (1982) Golden Raspberry Award for Worst Actor (en) , as a saothar Heaven's Gate (en) , Rollover (en) ;
Suíomh gréasáin	kriskristofferson.com

Amhránaí agus aisteoir ab ea Kris Kristofferson (a rugadh ar an 22 Meitheamh 1936, i mBrownsville, Texas, agus a d'éag ar an 28 Meán Fómhair 2024 i Haváí).

Beatha

In Brownsville, Texas, in 1936 a saolaíodh Kris Kristofferson ach bhog sé ó áit go háit nuair a bhí sé ina leanbh mar gur saighdiúir in Arm Mheiriceá ab ea a athair.^[1]

Ba polymath nó ileolaí a bhí in Kris. Múinteoir, scríbhneoir, píolóta heileacaptar le gradam, scoláire Rhodes ag Oxford, sular thosaigh a ghairm sa gceol, fiú.^[2]

Ba ghníomhaí é chomh maith – bhí sé páirteach i bhfeachtas i gcoinne Ronald Reagan agus Poblachtánaigh eile.

Fear mór ban a bhí ann. In 1961, phós Kristofferson Frances "Fran" Mavia Beer. Chuaigh sé amach leis an amhránaí Janis Joplin, 1969-1970. Phós sé an t-amhránaí Rita Coolidge in 1973. Ansin phós sé Lisa Meyers in 1983. Bhí ochtar clainne air.

Bhásaigh Kristofferson ina theach cónaithe i Haváí ar an 28 Meán Fómhair 2024. Bhí sé 88 bliain d'aois. Maireann a thríú bean chéile agus a ochtar clainne.

Amhránaíocht

D'eisigh Kristofferson a chéad cheirnín singil Golden Idol i 1967 agus a chéad albam Kristofferson i 1970.

Cé gur mhinice ag canadh ar cheirnín agus ar an stáitse ina aonar, chan sé freisin in éindí le hamhránaithe eile, The Highwaymen ina measc – scothghrúpa a raibh Johnny Cash, Waylon Jennings agus Willie Nelson páirteach ann chomh maith. Scríobh sé cuid mhaith amhrán freisin, dó féin agus d'amhránaithe eile araon.^[1]

Bhí scéalta sna hamhráin go minic:^[2]

B’í Bobby de chuid "Me and Bobby McGee" rúnaí leis an gceannaire Monument, Fred Foster – mheas Kris go raibh ceol san ainm agus roinn sé an chreidiúint scríbhneoireachta léi mar ionspráid – Kristofferson/Foster atá ar an lipéid fós.
"To Beat the Devil" – amhrán scríofa fé Johnny Cash – a chuimhnigh ar am nuair a bhí Cash ina "a great and wasted friend of mine" ach a canadh nuair ná raibh Cash 'wasted’ a thuilleadh.

Tháinig an t-albam deiridh uaidh The Cedar Creek Sessions in 2016.

Aisteoireacht

Bhí ceann den dá phríomhpháirt ag Kris Kristofferson sa scannán A Star is Born in éindí le Barbra Streisand i 1976 agus bhí sé i scannáin leis na stiúrthóirí Sam Peckinpah agus Martin Scorsese freisin. Bhí an phríomhpháirt aige chomh maith sa scannán fíorchostasach Heaven's Gate leis an stiúrthóir Michael Cimino.^[1]

Bhuaigh sé an gradam Aisteoir is Fearr i gCoiméide nó Ceoldráma sna gradaim Golden Globe i 1977.

In Éirinn

Bhí an-tóir ar cheol Kristofferson in Éirinn agus is iomaí cuairt a thug sé ar an tír seo i gcaitheamh a shaoil.^[1]^[3]

Tagairtí

↑ ^1.0 ^1.1 ^1.2 ^1.3 Nuacht RTÉ (2024-09-30). "Amhránaí, aisteoir mór le rá Kris Kristofferson tar éis bháis" (as ga-IE).
↑ ^2.0 ^2.1 Brian Lally / RTÉ (2024-09-30). "Kris Kristofferson ar shlí na fírinne" (as ga-IE).
↑ Kris Kristofferson ar an Late Late Show le Gay Byrne, 1993 (interview, Ireland) (2024-09-30). "Kris Kristofferson interview, Ireland 1993".

[:0-1] 1.0 ^1.1 ^1.2 ^1.3 Nuacht RTÉ (2024-09-30). "Amhránaí, aisteoir mór le rá Kris Kristofferson tar éis bháis" (as ga-IE).

[:1-2] 2.0 ^2.1 Brian Lally / RTÉ (2024-09-30). "Kris Kristofferson ar shlí na fírinne" (as ga-IE).

[3] Kris Kristofferson ar an Late Late Show le Gay Byrne, 1993 (interview, Ireland) (2024-09-30). "Kris Kristofferson interview, Ireland 1993".

[1]

[2]

[3]