John Tranter

John Tranter
	;
Beathaisnéis
Breith	29 Aibreán 1943; Cooma, New South Wales
Bás	21 Aibreán 2023 ; 79 bliana d'aois; Sydney, New South Wales
Faisnéis phearsanta
Scoil a d'fhreastail sé/sí	Ollscoil Wollongong
Áit chónaithe	Sydney
Gníomhaíocht
Gairm	file, eagarthóir
Teangacha	Béarla
	Gradam a fuarthas Kenneth Slessor Prize for Poetry (en) ;
Suíomh gréasáin	johntranter.com →

File Astrálach, foilsitheoir agus eagarthóir ba ea John Ernest Tranter (29 April 1943 – 21 Aibreán 2023). D'fhoilsigh sé os cionn fiche leabhar filíochta, agus in 1997 bhunaigh sé an tréimhseachán liteartha ar líne Jacket, iris a d’fhoilsigh sé agus a chuir in eagar go dtí 2010, nuair a thug sé d’Ollscoil Pennsylvania í. Rinne sé obair raidió déanta freisin: rinne sé féin agus Jan Garrett an clár fadtréimhseach Books and Writing don Australian Broadcasting Corporation (ABC).

Beatha

Rugadh Tranter in New South Wales. D’fhreastail sé ar scoileanna tuaithe agus fuair sé BA in 1970. Bhí Dochtúireacht sna hEalaíona Cruthaitheacha aige.

Den chuid is mó, d’oibrigh sé mar fhoilsitheoir, mar mhúinteoir agus mar léiritheoir raidió. Rinne sé a lán turas léitheoireachta thar lear agus bhí cónaí air in Sydney, Melbourne, agus Brisbane, agus i Londain, Cambridge, Singapore, Florida agus San Francisco thar lear. Bhí sé ina chónaí in Sydney ag deireadh a shaoil, áit ar reáchtáil sé féin agus a bhean chéile Lyn an ghníomhaireacht liteartha Australian Literary Management.^[1] Bhí beirt chlainne acu.

Litríocht

In 1975 bhí sé ar bheirt a chuir an clár raidió Books & Writing ar bun don Australian Broadcasting Corporation (ABC). In 1987 agus 1988 bhí sé i gceannas ar chlár seachtainiúil ealaíon ar an raidió ag an ABC, agus idir 1990 agus 1993 bhí sé ina eagarthóir filíochta ar an iris The Bulletin.

Fuair sé a lán comhaltachtaí agus deontas agus bhí sé ina scoláire cuairte ina lán institiúidí. Is iomaí duais filíochta atá faighte aige, agus tá a lán díolamaí curtha in eagar aige. Chuir sé tús le tionscadal a dtugtar an Australian Poetry Library air anois agus os cionn 42,000 dán ann le filí Astrálacha ó 1800 go dtí anois. Tá suíomh Idirlín aige féin. In 2014 bhunaigh sé an Journal of Poetics Research ag http://poeticsresearch.com, in éineacht le triúr eile: an Dr Kate Lilley, Ollscoil Sydney; an Dr Ann Vickery, Ollscoil Deakin; agus an tOllamh Philip Mead, Ollscoil Western Australia.

Sliocht

He knew he had to find a meal ticket.
The last racket was a turkey. Then the scene
changed, but intermittently, as through dark mist,
and he found that he had become fashionable.
He travelled up to his old college. So there he was,
week-long, the honouree and his gadget:
a shoulder holster with a spring release.(Sliocht as “Down by the Station”.)

Bhí a fhios aige gurbh éigean dó riar a cháis a fháil.
Thit an tóin as an jaibín deireanach. Ansin tháinig
athrú ar an scéal, más idir amanna é, mar a bhí ceobhrán ann,
agus fuair sé amach go raibh sé faiseanta.
Chuaigh sé suas chun a sheancholáiste. Féach ansin é,
ar feadh seachtaine, fear urraime agus a ghaireas:
curra gualainne le scaoilteoir sprionga.

Duaiseanna

2011: Arts Queensland Judith Wright Calanthe Award as cnuasach filíochta, as Starlight: 150 Poems
2011: The Age Book of the Year Award for Poetry as Starlight: 150 Poems
2009: Civitella Ranieri Foundation Fellowship (cónaí sé seachtaine in Umbria)
2008: South Australian Premier's Awards Premier's Prize as an leabhar ab fhearr in 2006 agus in 2007, Urban Myths: 210 Poems: New and Selected
2008: South Australian Premier's Awards John Bray Prize as Urban Myths: 210 Poems: New and Selected
2007: New South Wales Premier's Literary Awards Kenneth Slessor Prize as Urban Myths: 210 Poems: New and Selected
2006: Victorian Premier's Literary Award C. J. Dennis Prize for Poetry Prize as Urban Myths: 210 Poems: New and Selected
1993: The Age Book of the Year Award for Poetry as At the Florida
1993: Wesley Michel Wright Prize for Poetry as The Floor of Heaven
1989: New South Wales Premier's Literary Awards Kenneth Slessor Prize as Under Berlin
1988: Grace Leven Prize for Poetry as Under Berlin

Rogha leabhar

1970: Parallax, South Head Press
1973: Red Movie and other poems, Angus & Robertson
1973: The Blast Area, Gargoyle Poets number 13), Makar Press
1976: The Alphabet Murders (notes from a work in progress), Angus & Robertson
1977: Crying in Early Infancy: 100 Sonnets, Makar Press
1979: Dazed in the Ladies Lounge, Island Press (Australia)
1983: Selected Poems, Hale & Iremonger
1988: Under Berlin, University of Queensland Press
1991: The Floor of Heaven, HarperCollins/Angus & Robertson
1993 At The Florida, University of Queensland Press
1998: Late Night Radio Polygon Press
2006: Urban Myths: 210 Poems: New and Selected, University of Queensland Press
2010: Starlight: 150 Poems, University of Queensland Press

Mar eagarthóir

2007] The Best Australian Poetry 2007, aoi-eagarthóir, University of Queensland Press
2011: The Best Australian Poems 2011, eagarthóir, Black Inc, Melbourne
[2012: The Best Australian Poems 2012, eagarthóir, Black Inc, Melbourne

Nótaí

↑ ALM – Australian Literary Management: http://austlit.com/.

Tagairtí

"About us | jacket 2"' Accessed: 2011-05-28
Wilde, W., Hooton, J. & Andrews, B (1994) The Oxford Companion of Australian Literature 2nd ed. South Melbourne, Oxford University Press

Naisc sheachtracha

Suíomh Jacket
Suíomh oifigiúil
Suíomh an Australian Poetry Library Curtha i gcartlann 2019-10-24 ar an Wayback Machine
John Tranter: Dán agus beathaisnéis
Agallamh ag Brian Henry le John Tranter Curtha i gcartlann 2019-06-13 ar an Wayback Machine in The Argost Online go luath in 2010.
John Tranter, 'The Elephant has Left the Room': Jacket magazine and the Internet JASAL, vol 12,no 1, 2012

[1] ALM – Australian Literary Management: http://austlit.com/.

[1]