Heinrich Gottfried Ollendorff
| Beathaisnéis | |
|---|---|
| Breith | 1803 Rawicz  |
| Bás | 3 Aibreán 1865 61/62 bliana d'aois Páras, An Fhrainc |
| Faisnéis phearsanta | |
| Scoil a d'fhreastail sé/sí | Ollscoil Jena - céim dochtúireachta |
| Gníomhaíocht | |
| Gairm | teangeolaí |
| Teangacha | An Ghearmáinis |
| Teaghlach | |
| Páiste | Paul Ollendorff, Gustave Ollendorff |
Ba ghramadóir agus oide teanga Gearmánach é Heinrich Gottfried Ollendorff (nó Henri Godefroy Ollendorff mar a thugtaí air níos déanaí ina shaol) (1803, Rawicz in aice le Poznań – 3 Aibreán 1865, Páras),[1]. Tháinig an “modh nua-aimseartha” a d'fhorbair sé chun teangacha iasachta a fhoghlaim chun cinn sna 1840idí.
Saol agus slí bheatha
[cuir in eagar | athraigh foinse]Tar éis dó céim a bhaint amach mar dhochtúir fealsúnachta in Ollscoil Jena, chuaigh Ollendorff ar imirce go Londain, áit ar fhorbair sé la méthode Ollendorff (modh Ollendorff), bealach nua chun teangacha iasachta a fhoghlaim bunaithe ar chumarsáid ó bhéal seachas ar thuiscint théacsúil sa mhodh traidisiúnta. Bheachtaigh sé an modh seo thar na blianta. Rinneadh múinteoir teanga de i bPáras in 1830 agus d’fhoilsigh sé téacsleabhair ann do theangacha éagsúla, lena n-áirítear Gearmáinis, Fraincis, Iodáilis, Spáinnis, Nua-Ghréigis, Laidin agus teangacha eile.[2]
Cheadaigh Aire Oideachais na Fraince, Narcisse-Achille de Salvandy, a shaothar Méthode de l’allemand à l’usage des français (1833) do theagasc poiblí i scoileanna na Fraince.[2]
Mar gheall ar an éileamh a bhí ar a shaothar agus toisc nach raibh feidhm ag dlí cóipchirt na Fraince in Frankfurt am Main, phriontáil an teach foilsitheoireachta Carl Jügel cóipeanna bradacha sa chathair sin. Sa bhliain 1850, thug Ollendorff cás dlí i gcoinne díoltóir leabhar i Londain, Alexander Black, as cóipeanna bradacha de leabhar dá chuid a iompórtáil — leabhair a priontáladh in Frankfurt am Main de réir Ollendorff.[3]
Tagairtí
[cuir in eagar | athraigh foinse]- ↑ Nicola McLelland, Teaching and Learning Foreign Languages: A History of Language Education, Assessment and Policy in Britain, London and New Routledge, 2017 (Routledge Research in Language Education), p. 99ff. Retrieved 3 February 2022.
- ↑ 2.0 2.1 Isidore Singer agus Jacques Kahn, Ollendorff, Henri, The Jewish Encyclopedia, eagrán 1901. Léite 6 Feabhra 2022.
- ↑ Edmund Hatch Bennett agus Chauncey Smith, eag., "Ollendorff v. Black: December 9 and 10, 1850", English Reports in Law and Equity: Containing Reports of Cases in the House of Lords, Privy Council, Courts of Equity and Common Law, and in the Admiralty and Ecclesiastical Courts; including also Cases in Bankruptcy and Crown Cases Reserved, Vol. I, Bostún: Charles C. Little and James Brown, 1851. Léite 4 Feabhra 2022.