Gluaiseacht na Gaeilge, Gluaiseacht ar strae (paimfléad)
| Cineál | saothar liteartha  |
|---|---|
| Cárta innéacs | |
| Údar | Máirtín Ó Cadhain |
| Teanga | an Ghaeilge |
| Foilseachán | 1970 |
| Foilsitheoir | Misneach |
Paimfléad faoi pholaitíocht theanga na Gaeilge atá in Gluaiseacht na Gaeilge, Gluaiseacht ar strae atá bunaithe ar léacht a thug Máirtín Ó Cadhain uaidh i Lúnasa na bliana 1969. D'fhoilsigh an grúpa stocaireachta Misneach é. San óráid, deir sé le Gaeilgeoirí páirt a ghlacadh in 'Athghabháil na hÉireann'. Is ón bpaimfléad seo a thagann a ráiteas cáiliúil: Arm cathartha Gaeilgeoirí ar son na Gaeilge agus ar son na hÉireann a theastaíos anois. Is ann a deir sé gurb é dualgas lucht na Gaeilge a bheith ina sóisialaigh freisin.
Déanann sé cáineadh ann ar nach mór gach eagras Gaeilge a bhí suas in 1969, na Coláistí Samhraidh sa Ghaeltacht san áireamh. Shíl sé go raibh meon na méanaicme i dtreis i ngach eagras agus mar gheall air sin nach raibh siad radacach go leor. Bealach agóide a mhol sé féin.
Rinne Páirtí Cumannach na hÉireann aistriúchán go Béarla air dar teideal The Irish Language Movement, a Movement Astray. Seósamh Ó Díochan a d'aistrigh.
Féach freisin
[cuir in eagar | athraigh foinse]- Leagan scanáilte den phaimfléad https://irishcitizenarmy.tripod.com/gluaiseacht/gluaiseacht.html[nasc briste go buan]
- Aistriúchán go Béarla https://conor-mccabe.com/2023/01/31/mairtin-o-cadhain-the-language-movement-a-movement-astray-1969-trans-1970/