Ferrol

Ón Vicipéid, an chiclipéid shaor.
Suíomh

Is cathair í Ferrol sa Ghailís in iarthuaisceart na Spáinne. Bhí 77,859 duine ina gcónaí sa chathair sa bhliain 2007 agus 241,528 ina gcónaí san achar cathrach.

Lárionad longcheártaíochta ba ea Ferrol i gcónaí. Tá an comhlacht longcheártaíochta Navantia lonnaithe sa chathair.

Rugadh Francisco Franco, deachtóir míleata na Spáinne, ann sa bhliain 1892. Sna blianta 1938-1982, thugtaí El Ferrol del Caudillo nó Ferrol an Cheannasaí ar an áit go hoifigiúil.

Duine clúiteach eile ó Ferrol ab ea an scríbhneoir mór úrscéalta Gonzalo Torrente Ballester.