Eoghan Ó Siadhail

Ón Vicipéid, an chiclipéid shaor.
Jump to navigation Jump to search
Eoghan Ó Siadhail
Iolar na nDochtúirí
Dáta breithe 1584
  san Iarmhí, Éire
Dáta báis 21 Meitheamh 1650
  ag an Scairbh Sholais gar do Leitir Ceanainn, Co. Dhún na nGall, Éire
Náisiúntacht Éireannach
Gairm dochtúir leighis

Ba é an Dochtúir Eoghan Ó Siadhail príomh-mháinlia airm Chónaidhm Chaitliceach na hÉireann ó 1642 go 1650. Tugadh “Iolar na nDochtúirí” air.

Rinne sé staidéar i bPáras sa bhliain 1604. Chuaigh sé ansin go Lobháin, Padua agus go dtí an Róimh ag déanamh staidéir eile don leigheas. Ansin rinne máinlia airm na hÍsiltíre Spáinní de. Bhí sé ina cheannasaí ar an Ospidéal Ríoga i Mechelen. D’fhill sé go hÉirinn sa bhliain 1620. Tharraing sé clú air féin mar dhochtúir i mBaile Átha Cliath. Chuaigh sé in airm na Cónaidhme sa bhliain 1642, ar dtús i bhfórsaí Laighean faoi Thomas Preston agus ó 1646 in airm Eoghain Rua Uí Néill. Fuair sé bás i gCath na Scairbhe Soilse ar an 21 Meitheamh 1650.

Bhí sé pósta le Caitríona Tirial, iníon do Ristéard Tirial, tiarna Fhir Thulach, as Bealach an Tirialaigh.