Elizabeth Allen (file)

Elizabeth Allen

Beathaisnéis
Faisnéis phearsanta
Scoil a d'fhreastail sé/sí	SCECGS Redlands (en)
Gníomhaíocht
Gairm	file, scríbhneoir
Suíomh gréasáin	thepoetelizabethallen.com

File agus scríbhneoir próis ón Astráil is ea Elizabeth Allen.

Tá Allen ina cónaí in Sydney. Fuair sí céim onórach den chéad ghrád i litríocht na hAstráile agus Baitsiléir Ealaíon sa Mhúinteoireacht (Bunscoil) ó Ollscoil Sydney.

Tá a cuid filíochta, gearrscéalta agus léirmheastóireachta liteartha le fáil ina lán irisí agus díolamaí. Orthu sin tá Cordite, Journal of Poetics Research, Bodega, Overland, Australian Book Review (ABR), Southerly, Otoliths, HEAT, Ajar, Rabbit Poetry Journal, Mascara Literary Review, Contemporary Australian Poetry (Puncher & Wattmann, 2016), agus the Best Australian Poems (Black Inc. 2012 agus 2014).

Tá dhá chnuasach filíochta foilsithe aici, Body Language (Vagabond Press, 2012) agus Present (Vagabond Press, 2017). Tá a lán duaiseanna gnóthaithe aici, agus is iomaí rang filíochta a reáchtáil sí do pháistí agus do dhaoine fásta.

Tá sé ráite faoina saothar go bhfuil greann deas féinmhaguil ann ach gur féidir leis sinn a tharraingt i bhfad níos doimhne, i dtreo go dtagaimid aníos agus a fhios againn nach féidir an crá a sheachaint ach go bhfuil gá le sult agus gur aisteach an mac an saol. Tá tagairt déanta chomh maith do mhire chriostallach a cuid dánta, d’úsáid na gnáthchainte, agus don chumas atá acu do chroí a bhriseadh beagnach.

Sleachta

(Sliocht as “After seven long years underground”)

After seven long years underground   the crust of mascara starts to crack and flake. She claws her way up into your kitchen to stand wiping the cigarette smoke from her eyes.   You have been preparing a lentil salad and perhaps this has brought her: steam rising with the scent of nutmeg, cinnamon, cumin and mustard powder; the bite and tang of salt and sugar.

Agus seacht mbliana caite aici faoi thalamh tosaíonn screamh an mhascára ag scáineadh ina scealpaí. Streachlaíonn sí í féin aníos i do chistin agus seasann ann ag cuimilt dheannach an toitín dá súile. Bhí tú ag réiteach saláid lintilí agus b’fhéidir gur mheall sin í: an ghal ag éirí le boladh noitmige, cainéil, cuimín agus púdar mustaird, blas géar an tsalainn is an tsiúcra.

(Sliocht as “Walking to Greenwich Baths, for JG”)

how you have small neat hands the fingers red when it is cold and fragile, ungloved, you gave   me a tight bunch of poppies in a darting action: a handing over that was a snatching back   how you sat across the table at the inaugural anniversary of the mad hatter’s tea party   sunlight fell into our cups like soft white rain and tasted like tears of single origin

nach comair iad do lámha beaga do mhéara chomh dearg sin lá fuar tú leochaileach gan mhiotóga, ag tabhairt táth teann poipíní dom de sciotán: bronntanas arbh áladh ar ais é nár shuigh tú trasna an bhoird uaim ag cothrom tosaigh chóisir thae an haitéara bhuile thit solas na gréine isteach sna cupáin ina bháisteach bhog bhán agus blas air mar bhlas deora bunús aonair