Eleanor Hull

Ón Vicipéid, an chiclipéid shaor.
Jump to navigation Jump to search

Scoláire mór Gaeilge ba ea Eleanor Henrietta Hull (1860 – 1935).

"Cuchulain Slays the Hound of Culain", léaráid le Stephen Reid as The Boys' Cuchulain, leabhar le Eleanor Hull, 1904

Rugadh í ar 15 Eanáir 1860. Ba é an geolaí Edward Hull a hathair agus ba í Mary Catherine Henrietta Cooke, iníon dochtúra as Cheltenham i Sasana, a máthair. I Manchain a rugadh Eleanor ach chaith sí blianta tosaigh a saoil i mBaile Átha Cliath. Bhí ainm an cheoil uirthi agus í óg.

I gColáiste Alexandra agus i gColáiste Ríoga na hEolaíochta a fuair sí oideachas, agus d’fhreastail sí ar chúrsa Sean-Ghaeilge i Scoil Ard-Léinn na Gaeilge i 1909. D’fhoghlaim sí Gaeilge ó Staindis Mac an Aodhaigh Ó Gráda agus rinne staidéar ar an léann Ceilteach faoi threoir Kuno Meyer, Holger Pedersen agus Robin Flower. Bhí an-suim aici sa litríocht agus i gcultúir iasachta. I Londain bhí sí ina huachtarán ar Chumann Liteartha na hÉireann, ina rúnaí ag an gCumann Ríoga Áiseach agus ina ball de chomhairle an Chumainn Bhéaloidis.

Scríobh sí a lán leabhar. Chuir sí Lives of the Celtic Saints in eagar agus scríobhadh don Celtic Review, don Literary World agus Folklore Journal. Rinneadh sí léirmheastóireacht do The Times.

Bhí sí ar bhunaitheoirí Chumann na Scríbheann Gaeilge i 1896, agus tar éis a báis rinne Robin Flower tagairt dá dúthracht – “her disinterested enthusiasm, ceaseless industry, and gracious and tactful gift in negotiation”.

Fuair sí bás i Londain ar 13 Eanáir 1935.

Le léamh[cuir in eagar | athraigh foinse]

Hull, Eleanor (1860–1935): An Bunachar Náisiúnta Beathaisnéisí Gaeilge [1]

.Liosta leabhar[cuir in eagar | athraigh foinse]

The Cuchulain Saga in Irish Literature. London: David Nutt 1898 [2]

Pagan Ireland. Dublin: M.H. Gill & Son 1904 [3]

Early Christian Ireland. London: David Nutt 1905 [4]

A Text-Book of Irish Literature. M.H. Gill & Son 1906–8 (2 iml.) [5]

Cuchulain the Hound of Ulster. New York: Thomas Y. Crowell Company 1909 [6]

The Poem-Book of the Gael. Chicago: Browne & Howell Company 1913 [7]

The Northmen in Britain. New York: Thomas Y. Crowell Company 1913 [8]

A History of Ireland and her People. 2 iml., 1926–1931. Athchló G. G. Harrap & Company Ltd 1972 [9]

Folklore of the British Isles. Methuen & Co. 1928.