Domhnall Gleeson
| Domhnall Gleeson | |
|---|---|
| |
| Breith | 12 Bealtaine 1983 |
| Baile Átha Cliath | |
| Náisiúntacht | Éireannach |
| Gairm | Aisteoir |
| Gníomhach | 2001 - anois |
Aisteoir, stiúrthóir agus scríbhneoir Éirennach is ea Domhnall Gleeson, a rugadh ar 12 Bealtaine 1983 i mBaile Átha Cliath, Poblacht na hÉireann. Tá páirteanna imeartha aige i scannáin agus san amharclann, agus thuill a ról ar Broadway in The Lieutenant of Inishmore ainmniúchán do Ghradam Tony sa bhliain 2006. Chuaigh sé ar an stáitse in Amharclann an Gheata, i mBaile Átha Cliath, leaganacha de American Buffalo agus Great Expectations.
Bhí Gleeson páirteach freisin i sraitheanna teilifíse dála The Last Furlong, Black Mirror, Your Bad Self. Ar na scannáin a raibh rólanna aige iontu tá Six Shooter, Studs, Boy Eats Girl agus Ex Machina. D'imir sé ról an ghinearáil gan trócaire úd Hux in Star Wars: Episode VII - The Force Awakens agus Star Wars: Episode VIII - The Last Jedi, chomh maith le páirt Bill Weasley sna scannáin Harry Potter and the Deathly Hallows - Cuid 1 agus Cuid 2, a rinneadh sna blianta 2010 agus 2011 faoi seach. Is mac le Brendan Gleeson é, aisteoir a rinne páirt an charachtair Alastor Moody sna scannáin Harry Potter.
