Is dún stairiúil é Agra i gcathair Agra san India. Rinne an rialtóir mór Akbar athchóiriú ar an dún ag tosú i 1565, agus críochnaíodh an struchtúr atá ann inniu sa bhliain 1573. Ba é príomháit chónaithe rialtóirí Ríshliocht na Mógal go dtí 1638, nuair a aistríodh an phríomhchathair ó Agra go Deilí. Tugadh "Lal-Qila", "Fort Rouge" nó "Qila-i-Akbari" air freisin.[1] Sular ghabh fórsaí na Breataine é, ba iad na Marathas na rialtóirí deireanacha Indiacha a bhí ann. Sa bhliain 1983, aithníodh é mar Láithreán Oidhreachta Domhanda ag EOECNA.[2] Tá sé thart ar 2.5 km siar ó thuaidh óna chomh-shéadchomhartha níos cáiliúla, an Taj Mahal. Bheadh sé níos cruinne cur síos a dhéanamh ar an dún mar “cathair mhúrtha”.
