Cultúr ábhartha
(Athsheolta ó Cultúr saolta)
Is éard is cultúr ábhartha (nó cultúr saolta) ann ná an ghné fhisiciúil de chultúr, is é sin, na rudaí agus an ailtireacht a bhíonn thart timpeall ar dhaoine. Cuimsíonn sé úsáid, ídiú, cruthú agus trádáil na n-earraí, agus an iompar, na noirm agus na deasghnátha a chruthaíonn na rudaí seo, nó a mbíonn baint acu leo. De ghnáth, úsáidtear an téarma i réimsí na seandálaíochta agus na hantraipeolaíochta, go sonrach ag díriú ar an bhfianaise ábhartha gur féidir a chur i leith na gcultúr, san am atá caite nó faoi láthair.