Is ráth, nó dún cnoic, agus séadchomhartha náisiúnta[1] i ngar do Bhaile an Chaisleáin i gContae Chorcaí é Cnoc Droma. Rinneadh athchóiriú air roimh 1860, agus rinneadh tochailtí seandálaíochta ann i 1930 agus 1931. Tá na ballaí trí mhéadar ar dhoimhne, agus 1.75–2 mhéadar ar airde, ag brath ar an bhfoinse. Tá an dún 29 méadar ar trastomhas.[2][3] Is le Rialtas na hÉireann an suíomh féin.
Tá bunsraith chloiche d’fhoirgneamh dronuilleogach le huaimh thalún laistigh den dún, cineál struchtúir coitianta le linn Iarannaois na hEorpa, ach go minic faighte níos déanaí in Éirinn. Tá cuasghreantaí[4] laistigh agus lasmuigh den bhalla.[5][6]
