Cál ceannann

Cál ceannann

Bunús
Tír dhúchais	Éire
Sonraí
Cineál	mias phrátaí
Príomh-chomhábhair	brúitín, Cál, im agus bainne

Saghas bia Éireannaigh is ea cál ceannann a dhéantar le brúitín, cál (nó cabáiste), im, salann agus piobar de ghnáth, ach is féidir comhábhair eile a úsáid ar nós bainne, uachtar, cainneann, oinniún, síobhas agus gairleog. Bia folláin atá ann nach gcosnaíonn mórán agus a itear ar feadh na bliana go léir.

Traidisiún amháin in Éirinn a bhaineann leis an gcál ceannann ná boinn airgid a fholmhú sa bhia um Shamhna.

Oideas

Na hÁbhair:

• 500 gr. cabáiste, (gearrtha ina phíosaí.)
• cileagram amháin de phrátaí,
• dhá chainneann,
• cupán de bhainne úr,
• salann agus piobar,
• 25 gr. im.

Déan an cabáiste agus na prátaí a bheiriú i sáspain ar leith go mbíonn siad go breá bog. Brúigh na prátaí agus an cabáiste. Cuir an dá chainneann agus an bainne isteach i sáspan mór agus déan iad a bheiriú ar feadh 8-10 nóiméad nó go mbíonn na glasraí go breá bog. Cuir na prátaí bruite, an cabáiste bruite agus an t-im isteach sa sáspan seo agus brúigh na habhair go léir le chéile. Cuir an cál ceannann isteach i mbabhla mór agus bain sásamh as.