Brighid, iníon Éinrí Mhic Ghearailt

Ón Vicipéid, an chiclipéid shaor.
Jump to navigation Jump to search

File ba ea Brighid, iníon Éinrí Mhic Ghearailt (Bríd Chill Dara) (c. 1589 – 1682). Rugadh í don 12ú hIarla Chill Dara agus don Bhean Uasal Francis Howard, iníon Charles, Iarla Nottingham.

Tógadh í ag Maigh Nuad i gContae Chill Dara. Sa bhliain 1603 phós sí Rudhraighe Ó Domhnaill, Iarla Thír Chonaill, agus tar éis dó an Mhór-Roinn a thabhairt air féin sa bhliain 1607 de bharr Theitheadh na nIarlaí rinne sí iarracht ar é a leanúint lena gclann, cé nár éirigh léi dul níos faide anonn ná Sasana. Fuair Ruadhraighe bás sa Róimh sa bhliain 1608, agus thug Séamas I pinsean di. D’fhill sí ar Éirinn sa bhliain 1609 agus timpeall na bliana 1617 phós sí an Ridire Nioclás Barnewall, duine de na Sean-Ghaill. Rug sí naonúr clainne dó.

Is é ‘A mhacaoimh dhealbhas an dán’ an t-aon dán amháin atá againn óna lámh.

A mhacaoimh dhealbhas an dán
tig aníos ar scáth na scol;
an dán lér chuiris do chlú,
maith a dhéanamh, is tú id’ thocht
Na roinn-se do-rinne sibh,
adéarthaoi rinn, a fhir, a fhir ghráidh,
nach tú do dhlighfeadh an duas
dá dteagmhadh a luach ‘nar láimh...

Tagairtí[cuir in eagar | athraigh foinse]

The Field Day Anthology of Irish Writing, Vol. IV: Irish Women’s Writings and Traditions (eagarthóirí éagsúla). Cork University Press 2002, lch 387.