Bogha ceo
Feiniméan aeráide cosúil le bogha ceatha is ea an bogha ceo. Stua sa spéir atá ann, ach ní hionann le bogha ceatha bíonn na dathanna an-lag: a rian den dearg ar an gciúmhais taobh amuigh, agus iarracht den ghorm ar an taobh istigh. Feictear do dhaoine é, áfach, mar bhogha ceatha bán, agus sin a thugtar orthu go minic. I gcás an bhogha (nó tuar) ceatha, tagann solas na gréine chugainn trí bhraonta báistí a bhíonn mar phriosmaí beaga a scarann solas na gréine ina roinnt dathanna difriúla. I gcás an bhogha ceo, tagann an solas trí bhraonta den cheo atá thar a bheith beag—níos lú ná 0.05 milliméadar (0.0020 orlach). Scriosann díraonadh na bpriosmaí beaga bídeacha seo na dathanna ar fad nach mór i solas na gréine.
 | Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |