Bar Mitsveá

Ón Vicipéid, an chiclipéid shaor.
Jump to navigation Jump to search
Bar Mitsveá ag Balla an Olagóin

De réir dlí na nGiúdach, nuair a shroicheann páistí Giúdacha 13 bliain d'aois do bhuachaillí agus 12 bliain d'aois do chailíní bíonn siad freagrach as a gcuid gníomhartha, agus déantar Bar (Mac) nó Bat (Iníon) Mitsveá (na haithne) astu. I go leor sionagóg Choimeádach agus Leasaitheach, ceiliúrann cailíní Bat Mitsveá ag aois a 12, mar aon le buachaillí ag aois a 13. Comhtharlaíonn caithreachais fisiciúil ag an am seo freiin. Roimhe seo, bíonn tuismitheoirí an pháiste freagracht as tiomantas an pháiste do dhlí na nGiúdach agus thraidisiún na nGiúdach. Tar éis an aois seo , bíonn an páiste féin freagrach as dlí deasghnách, traidisiún, agus eitic na nGiúdach agus bíonn de phribhléid aige/aici bheith rannpháirteach i ngach réimse de shaol phobal na nGiúdach. Uaireanta, gairtear go hearráideach Bar Mitsveá nó Bat Mitsveá ar an searmanas féin.