Apollo 11

Ón Vicipéid, an chiclipéid shaor.
Jump to navigation Jump to search
Apollo 11

Rinne Apollo 11 (le Neil Armstrong is Edwin Aldrin ar bord) an chéad tuirlingt ar an ngealach i 1969.[1] Siúl ar an ngealach, ba é sin an misean a bhí ag spásairí na Stát Aontaithe agus d'éirigh go geal leo, éacht dochreidte ag an am.

Aistear[cuir in eagar | athraigh foinse]

Ar 9.30 a.m. ar an 16 Iúil 1969, d’fhág an spásárthach Apollo 11 Florida agus é ag taisteal 40,000 ciliméadar san uair. Bhí triúr spásairí ar bord, Michael Collins, Buzz Aldrin agus Neil Armstrong, a bhí ina chaptaen ar an spásárthach.

Apollo 11

Trí lá tar éis sin, bhí siad ag fithis na gealaí, is é sin ag taisteal timpeall na gealaí. Nuair a bhí siad réidh, chuaigh Armstrong agus Aldrin isteach sa mhodúl gealaí, is é sin an modúl beag taistil a bhí acu ar an spásárthach le tuirlingt ar an ngealach féin.

Shiúil Neil Armstrong ar an ngealach, an chéad duine riamh a rinne sin. Dhá uair an chloig tar éis sin, lean Buzz Aldrin é.

Dúirt Collins cúpla seachtain tar éis dó filleadh ar an domhan:

‘Bhí mé imníoch go mór nach dtiocfadh Armstrong agus Aldrin ar ais ón ngealach toisc nach raibh muid cinnte in aon chor an mbeadh an modúl gealaí in ann tuirlingt ar an ngealach mar is ceart. Chomh maith leis sin, mura mbeidís in ann filleadh ar an spásárthach, bheadh orm iad a fhágáil ansin. Chuir sin imní an domhain orm, dáiríre.

lorg coise sa ghaineamh, Apollo 11

Ar an dea-uair, ní raibh fadhb ar bith ag na spásairí agus tháinig siad ar ais chugam tar éis sé uair an chloig. Bhí an t-ádh dearg orthu. Ar an 24 Iúil, tháinig siad go léir ar ais chuig an domhan agus thuirling siad ar an Aigéan Ciúin.

Shiúil Buzz Aldrin ar an gealach.

Bhí clú agus cáil ar an triúr tar éis sin, go háirithe ar Armstrong agus Aldrin as an turas iontach a rinne siad.

Féach freisin[cuir in eagar | athraigh foinse]

Tagairtí[cuir in eagar | athraigh foinse]

  1. cogg.ie. "An fear nár shiúil ar an ngealach!". Dáta rochtana: 2021.