Aodh Ó Canainn

Ón Vicipéid, an chiclipéid shaor.
Jump to navigation Jump to search
Aodh

Rugadh Aodh Ó Canainn i gCúl Rathain, Co. Dhoire, sa bhliain 1934. Chaith sé a óige i nDoire, áit ina bhfuair sé oideachas i gColáiste Cholm Cille. Bhain sé céim amach san innealtóireacht ó Ollscoil na Ríona i mBéal Feirste. Chaith sé bliain (1956-57) ag obair le gcomhlacht leictreónach, Marconi Espanola, i Madrid, áit inar chuir sé spéis i dteanga agus i gcultúr na Spáinne. Chuaigh sé ag obair le Dupont ar feadh cúpla bliain nuair a d'fhill sé ar Dhoire. Tharraing a thrial go Baile Átha Cliath é, agus fuair sé post mar innealtóir i Transport & Power; Irish Ropes agus RTÉ.

Bhain sé céim máistreachta amach sa Ghnó, ó Choláiste na Trionóide sa bhliain 1966, agus lean le gairm nua mar Chomhairleoir Bainistíochta san Irish Management Institute. Ceapadh mar stiúrthóir gníomhach, ar feadh sé mhí é, ar Bhord na Gaeilge i 1978.

Nuair a d'eirigh sé as obair, ag aois 55, dhírigh sé ar an scríbhneoireacht go lán-aimseartha. Bhunaigh sé féin agus Ailbhe Ó Corráin Éigse Cholm Cille sa bhliain 2002 chun léamh agus scríobh na Gaeilge a chur chun cinn, agus chun ceiliúradh a dhéanamh ar scríbhneoirí Iarthar Uladh.

Tá sé ina chónaí i mBaile Átha Cliath lena bhean Áine.

Foilseacháin[cuir in eagar | athraigh foinse]

Leabhair:

  • Teacht den tSliabh Tráthnóna: Pádraig Ó hEaráin agus oidhreacht Bhaile na Scríne. Baile Átha Cliath, Coiscéim, 2006
  • Tearmann na gColúr. Inverin, Cló Iar-Chonnachta Teo., 1998
  • An bhfaca tú Dracula?: dialann Thrasalvánach. BÁC, Comhar, 1997
  • Mise agus Platero/Juan Ramon Jimenez. BÁC, Coiscéim, 1991
  • Scian a Caitheadh le Toinn: scéalta agus amhráin as Inis Eoghain agus cuimhne ar Ghaeltacht Iorrais. BÁC, Coiscéim, 1990
  • Léine Ghorm: úrscéal. BÁC, Sáirséal Ó Marcaigh, 1984

PhD:

  1. Engineers in Management. TCD, 1993