An feachtas ar son oscailt Scoil Dhún Chaoin
| Cineál | feachtas polaitiúil  |
|---|---|
| Bailíocht | 1970 - 1973 |
| Tír | Éire |
Tharla an feachtas ar son oscailt Scoil Dhún Chaoin, Scoil Naomh Gobnait,.idir 1970-1973, ceann de na feachtais is cáiliúla i stair na Gaeltachta agus na teanga.[1] Tharraing an tslí ar sheas an pobal is iargúlta sa Ghaeltacht an fód ar son a gcearta aird na tíre go léir ag an am.[2]
Imeachtaí
[cuir in eagar | athraigh foinse]Rinne an Roinn Oideachais iarracht an scoil a dhúnadh sa bhliain 1970 agus na leanaí a aistriú go Scoil an Fheirtéaraigh.
Sheas muintir Dhún Chaoin go láidir i gcoinne cinneadh an Rialtais. D’éirigh cuid mhaith de phobal na tíre laistiar dóibh ina gcuid iarrachtaí a scoil bheag féin agus a bpobal féin a choimeád ina mbeatha.
Sheas daoine ar nós Máire Mhac an tSaoi agus Breandán agus Máire Feirtéar isteach chun na leanaí a mhúineadh go deonach. Tháinig Mícheál Ó Dúbhshláine, múinteoir óg ó Chill Dara chun múineadh sa scoil sa bhliain 1970, gan tuarastal ná aitheantas ón Roinn Oideachais. Sheas muintir Dhún Chaoin leis agus chabhraíodar leis in aon slí go bhféadfaidís.[3] Lean an scéal mar seo ar feadh trí bliana.
Eagraíodh mhórshiúl ó Dhún Chaoin go dtí Baile Átha Cliath ar son athoscailt na scoile i 1971 agus cuireadh ceirnín amach. Ach ní ar son na scoile amháin a bhí an mórshiúl cáiliúil sin. Bhí sé dírithe ar chearta mhuintir na Gaeltachta a chaomhnú. Úsáideadh an scoil mar uirlis chun an scéal mór sin faoin nGaeltacht a chur i láthair an rialtais.[2]
Tharla olltoghchán ar 28 Feabhra 1973 agus tháinig athrú Rialtais (Fine Gael / Lucht Oibre). agus tugadh aitheantas don scoil arís.[4]
Faoi dheireadh, ag deireadh seachtaine na Cincíse 1973, a fuarthas an dea-scéal go raibh rath ar an bhfeachtas chun Scoil Naomh Gobnait a choimeád oscailte. Thug Dick Burke, an tAire Oideachais (FG) ag an am, cead chun an scoil a athoscailt. Ceapadh Mícheál Ó Dúbhshláine go hoifigiúil mar phríomhoide na scoile.[3]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ Donal Hickey (2014-12-22). "TG4 special recalls Kerry-Dublin march to save Dunquin school" (en). Irish Examiner. Dáta rochtana: 2023-06-02.
- ↑ 2.0 2.1 tuairisc.ie (2 Meitheamh 2023). "Ceiliúradh i nDún Chaoin ar cheann de na feachtais is cáiliúla i stair na Gaeltachta" (ga-IE). Tuairisc.ie. Dáta rochtana: 2023-06-02.
- ↑ 3.0 3.1 "Scoil Dhún Chaoin". scoildhunchaoin.ie. Dáta rochtana: 2023-06-02.
- ↑ "Scoil Dhún Chaoin" (en). RTÉ Archives. Dáta rochtana: 2024-11-12.