An Vóvaidín

Ón Vicipéid, an chiclipéid shaor.
Suíomh
Vojvodina map02.png

Cúige sa tSeirbia is ea í an Vóvaidín. (Seirbis: ВојводинаVojvodina) Is í an cúige is líonmhaire teangacha sa tSeirb, mar anuas ar an tSeirbis féin, tá an Ungáiris, an tSlóvaicis, an Rómáinis, an Chróitis, agus an Rúisínis Phanónach oifigiúil sa chúige. Cúige féinrialaitheach atá ann.

Is é Novi Sad príomhchathair an chúige, agus is í Subotica an dara cathair is tábhachtaí.

Is é is brí le hainm an chúige ná "vóvadacht". Focal is ea é "vóvad" (vojvoda, wojewoda agus araile) a chiallaíonn, ó thús, ceannaire na sluaite armtha sna teangacha Slavacha, ach i rith na gcéadta bliain fuair sé cialla éagsúla sna teangacha difriúla. Mar sin, is ceantar í an Vóvaidín a raibh taoiseach den chineál seo i gceannas air i dtús.

Daoine cáiliúla ón Vóvaidín ab ea iad Danilo Kiš (scríbhneoir) agus Mileva Marić (fisiceoir a bhí pósta ar Albert Einstein tráth).