An Pháilis

í

An Pháilis

𑀧𑀸𑀴𑀺
Cineál	teanga anallód agus teanga
Úsáid
Cainteoirí dúchais	0
Dúchasach do	an India
Stáit	an India
Aicmiú teangeolaíoch
teanga dhaonna teangacha Ind-Eorpacha teangacha Ind-Iaránacha teangacha Ind-Airianacha Middle-Modern Indo-Aryan (en) Middle Indo-Aryan (en) Prácrait
Tréithe
Córas scríbhneoireachta	Brahmi (en) , aibítir Laidineach, script Dhéiveanágrach, International Alphabet of Sanskrit Transliteration (en) , Sinhala script (en) , Thai script (en) , Burmese alphabet (en) agus Khmer (en)
Cóid
ISO 639-1	pi
ISO 639-2	pli
ISO 639-3	pli
Glottolog	pali1273
Linguasphere	59-AAF-pb
Ethnologue	pli
IETF	pi

Is teanga Ind-Eorpach, Ind-Airíoch í an Pháilis (nó an Phailis), agus is ceann de na teangacha Meán-Ind-Airíocha í. Teanga chlasaiceach í an Pháilis féin inniu nach labhraítear ach amháin i searmanais Búdaíocha. Is é Tipitaka, an scrioptúr naofa i mBúdachas Theireaváda, an fhoinse a bhfuil caighdeán na Páilise bunaithe uirthi. Is é is brí le hainm na teanga, ó thús, ná "líne" nó "téacs scrioptúrtha", agus ní díol iontais é, ós teanga scrioptúrtha í an Pháilis go bunúsach.

Nuair a breacadh na scrioptúir Pháilise síos an chéad uair san aois dheireanach roimh bhreith Chríost, ba teanga labhartha í, nó ar a laghad, bhí canúintí labhartha ann agus iad sách cosúil leis an bPáilis. Na míreanna tráchtaireachta atá curtha leis an scrioptúr ó shin, áfach, tháinig siad ó pheann lucht léinn a d'fhoghlaim an Pháilis mar chaighdeán liteartha is mar theanga iasachta.

Ceann de na Pracraití í an Pháilis, is é sin, ceann de na canúintí beo a tháinig in úsáid sa litríocht san India i ndiaidh don tSanscrait dul in éag mar theanga labhartha.