Alexander McCartney
| Áit chónaithe | Iúr Cinn Trá |
|---|---|
| Eile | |
| Ciontaíodh i | dúnorgain  |
Péidifileach agus claonmhealltóir ar líne is ea Alexander McCartney as ceantar an Iúir (a rugadh sa bhliain 1998/1999). Ar an 25 Deireadh Fómhair 2024, gearradh téarma príosún saoil[1] ar Alexander McCartney, as 185 coir in aghaidh 70 páiste, dúnorgain Cimarron Thomas, 12, in West Virginia i Stáit Aontaithe Mheiriceá agus 50 cás dúmháil san áireamh.[2][3]
.jpg)
Modus operandi
[cuir in eagar | athraigh foinse]Sna 2010idí, chuir Alexander McCartney, mac léinn ríomheolaíochta as Bóthar Lissummon,[4] ceantar an Iúir (agus sna déaga ag an am) an chluain go fíorúil ar chailíní. Bhí 64 gaireas aige ina sheomra agus é ag cur an chluain go fíorúil ar chailíní idir 10 mbliana d’aois agus 16 ar fud na cruinne ar mheáin shóisialta, Snapchat go háirithe.
Lig McCartney air gur chailín é féin chun ‘cairdeas’ a chothú le cailíní a bhí ag streachailt lena ngnéasacht ar fud na cruinne. Ar Snapchat agus meáin shóisialta eile mheall sé grianghrafanna mhíchuibhiúla díobh féin uathu.
Agus nuair a bhí siad i ngaistí aige, rinne sé dúmhál orthu mar chuid den drochíde ghnéis. Bhain sé leas as na pictiúir sin chun iallach a chur orthu gníomhartha gnéis a dhéanamh dó, ina n-aonar nó le páistí eile agus ar cheamara ar líne. Bhagair sé go bhfoilseodh sé na pictiúir mhíchuibhiúla a mheall sé uathu ar líne, nó go dtaispeánfadh sé do thuismitheoirí iad mura ndéanfaí rud air.[5]
Cóir
[cuir in eagar | athraigh foinse]Thosaigh an drochíde i mí Eanáir 2013 agus McCartney timpeall 14 bliain d'aois ag an am.[6] Gabhadh McCartney don chéad uair in 2018. Ach ligeadh amach ar bannaí é. Agus é ar ais ina bhaile, lean sé air ag tabhairt drochíde do chailíní timpeall an domhain. Rinne McCartney mí-úsáid ghnéis ar 60 cailín eile roimh a gabhadh é don dara uair, i mí Iúil 2019. Cuireadh siar faoi choimeád é idir 2019-2024..Is ar lucht na fóiréinsice an locht faoin moill is cosúil.
Áirítear go bhféadfadh go ndearna McCartney mí-úsáid ar 3,500 páiste ar fad cé go raibh an cás cúirte teoranta do 70. Rinne póilíní i 30 tír a ndícheall chun gach páiste a aimsiú. In 2024, gearradh príosún saoil ar McCartney.[7] Níor léir go raibh aon aiféala ar McCartney faoina ndearna sé riamh.
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ nó b'fhéidir príosúin 15-20 bliain ar loghadh
- ↑ David Young / Telegraph (26 DF 2024). "Authorities here and in America hail caging of vile child sex predator". www.pressreader.com. Dáta rochtana: 2024-10-31.
- ↑ Póilín Ní Chiaráin (30 Deireadh Fómhair 2024). "Sciath chosanta ag na ciontóirí í an rúndacht" (ga-IE). Tuairisc.ie. Dáta rochtana: 2024-10-31.
- ↑ "Lissummon" (ga). logainm.ie. Dáta rochtana: 2024-10-31.
- ↑ Jane McGarrigle (2015-11-16). "Céard is claonmhealltóireacht ar líne ann?" (en-GA). Webwise.ie. Dáta rochtana: 2024-10-20.
- ↑ "Evil online predator Alexander McCartney began his campaign of torture at just 14" (en). SundayWorld.com (2024-10-30). Dáta rochtana: 2024-10-31.
- ↑ Nuacht RTÉ (2024-10-25). "Príosún saoil gearrtha ar fhear faoi chlaonmhealltóireacht" (as ga-IE).
 | Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |