Jump to content

Úsáid mhídhleathach drugaí in Éirinn

Ón Vicipéid, an chiclipéid shaor.
Nirvana head shop, Sráid Capel, BAC. Scriosadh é in 2010.[1]

Shamhlóinn gur beag duine in Éirinn nach bhfuil cur amach pearsanta de shaghas éigin acu ar na fadhbanna a bhaineann le mí-úsáid drugaí agus alcóil, agus úsáid mhídhleathach drugaí.[2] Dar le daoine áirithe, tá an tír ag cur thar maoil le drugaí aindleathacha agus tá na húdaráis ag streachailt sa troid i gcoinne mí-úsáid drugaí.

Staitisticí[cuir in eagar | athraigh foinse]

Faireachán drugaí na gCustaim in Éirinn

Tháinig méadú mór ar líon na ndaoine a fuair bás de bharr drugaí idir 2010-2020 – 218 ó thuaidh[3] agus 409 ó dheas[4] sa bhliain 2020, daoine óga a bhformhór. Bhásaigh 397 eile ó dheas de bharr cúiseanna eile a bhain le drugaí (crochadh, taomanna croí srl). Tá meabhairghalar agus ganntanas seirbhísí meabhairshláinte fite fuaite le úsáid mhídhleathach drugaí go minic.[5]

Polasaithe in Éirinn[cuir in eagar | athraigh foinse]

Sa bhliain 2012 mhol an uile pháirtí ar Chomhairle Chathair Átha Cliath go mbunófaí lárionaid sa chathair ina gceadófaí féin-instealladh drugaí faoi mhaoirseacht foireann leighis. Ach chuir daoine sa cheantar ina gcoinne.[6] Ní raibh aon lárionad fós ar oscailt i dtús 2024.[7] Níl bunú ionaid den sórt céanna beartaithe fós i gCorcaigh ná in aon áit eile. Tugann an córas daonlathach in Éirinn deis arís agus arís eile do pholaiteoirí agus do vótálaithe moill a chur ar chabhair do dhaoine atá i gcruachás.

Fógraíodh polasaí cuimsitheach sláinte in 2019. Ach níl an polasaí curtha i bhfeidhm fós (in 2024) "mar gheall ar chúrsaí dlí" is cosúil.

Bunaíodh tionól saoránach chun drugaí a phlé sa bhliain 2023[8] agus foilsíodh an tuairisc in 2024 (Iml 1, Iml 2). Mhol an Tionól nach dtabharfaí daoine a mbeirtear orthu agus drugaí mídhleathacha ina seilbh os comhair cúirte feasta ach go gcuirfí seirbhísí leighis ar fáil dóibh. Tá polasaí dá leithéid i bhfeidhm cheana féin sa Phortaingéil agus san Ostair. Vótáil an Tionól (le móramh aon vóta) nár chóir an dlí, a deir go bhfuil seilbh channabais mídhleathach, a athrú.[6]

Féach freisin[cuir in eagar | athraigh foinse]

Naisc sheachtracha[cuir in eagar | athraigh foinse]

Tagairtí[cuir in eagar | athraigh foinse]

  1. "Man who set Capel Street head shop ablaze has jail term cut" (en). The Irish Times. Dáta rochtana: 2024-01-27.
  2. "Scríbhneoireacht Chruthaitheach 09 – ‘Fadhb na ndrugaí agus an alcóil’ (Cartlann)" (ga-IE). Tuairisc.ie (2017-04-03). Dáta rochtana: 2024-01-27.
  3. Drug Deaths Taskforce NI, October 2023 / drugsandalcohol.ie (2023). "Drug Overdoses and Drug Related Deaths in NI". Dáta rochtana: 2024.
  4. HRB Research Library / .drugsandalcohol.ie (2023). "Drug Deaths". Dáta rochtana: 2024.
  5. Póilín Ní Chiaráin (22 Meitheamh 2022). "Tragóid ar shráideanna Bhéal Feirste – seisear ógfhear básaithe le coicís" (ga-IE). Tuairisc.ie. Dáta rochtana: 2024-01-27.
  6. 6.0 6.1 Cathal Mac Coille (27 Eanáir 2024). "Ár bpolasaí drugaí – is fada, léanmhar agus náireach an scéal é" (ga-IE). Tuairisc.ie. Dáta rochtana: 2024-01-27.
  7. "Medically supervised drug injection facility to open in Dublin" (en). The Irish Times. Dáta rochtana: 2024-01-27.
  8. An Tionól Saoránach (2023). "Assembly on Drugs Use" (en-iE). Citizens' Assembly. Dáta rochtana: 2023-04-29.