Smideadh

Ón Vicipéid, an chiclipéid shaor.
Earraí smididh éagsúla

Earraí a chuirtear ar an gcorp chun é a mhaisiú is ea smideadh, á n-úsáid ag idir fhir is mhná ag tréimhsí éagsúla den stair. Phéinteáil mná faiseanta in iarthar na hEorpa a n-aghaidheanna ó aimsir na nGréagach is na Rómhánach chun iarmhairtí idéalacha óigeantachta a bhaint amach. I dtréimhsí áirithe bhíodh cuid de na hiarmhairtí aisteach mínádúrtha. Mar shampla, ón Meánaois dhéanach go dtí an 18ú céad chuirtí paistí dubha ar aghaidh gan cháim mar bhaill dobhráin nó seirce. Sa 19ú céad ní chaithfeadh bean fhiúntach cosmaidí feiceálacha ar eagla go ceapfaí gur bean amharclainne nó bean le gairm mhíthaitneamhach ab ea í. Go dtí lár an 20ú céad nó mar sin bhí cuid de na hullmhóidí baolach don tsláinte, agus fiú marfach (luaidhe bhán, mar shampla).

Sa lá atá inniu, cuirtear béaldath ar na beola chun dath áirithe a thabhairt dóibh. Cuirtear bonnsmideadh ar an aghaidh chun dath deas a thabhairt don snua. Cuirtear vearnais iongan ar na hinge chun iad a dhathú. Cuirtear línitheoir súl timpeall na súile. Cuirtear mascára ar na bhfabhraí. Cuirtear luisneach ar an gcraiceann freisin chun dath deas a thabhairt dó. Is féidir dathanna a chur sa ghruaig freisin. Is gnó ollmhór é gnó an smididh.