Joan Lingard

Ón Vicipéid, an chiclipéid shaor.

Scríbhneoir Albanach í Joan Lingard a rugadh i nDún Éideann ar an 15 Eanáir 1932 agus a chaith blianta a céad óige i mBéal Feirste. Chuaigh atmaisféar agus imthoscaí na háite go mór mór i bhfeidhm uirthi, agus mar sin, tá áit lárnach ag Tuaisceart Éireann agus trioblóidí an Tuaiscirt ina cuid scríbhinní. Scríobh sí do dhaoine fásta chomh maith leis na daoine óga, ach is í an tsraith faoi Kevin agus Sadie - The Twelfth Day of July, Across the Barricades, Into Exile, A Proper Place, agus Hostages to Fortune - an chuid dá saothar liteartha is mó a léitear ar an gcoigríoch. Cuireadh a lán teangacha ar an tsraith seo, agus is tríthi a fuair na déagóirí sna tíortha eile an chéad léargas ar imeachtaí agus imthoscaí Thuaisceart Éireann.