Humphrey Bogart

Ón Vicipéid, an chiclipéid shaor.
Humphrey Bogart
220px
Ainm breithe Humphrey DeForest Bogart
Breith 25 Nollaig, 1899
  Nua-Eabhrac
Bás 14 Eanáir, 1957
  Los Angeles
Náisiúntacht Meiriceánach
Gníomhach 1921–1956
Céile Helen Menken (1926–27)
Mary Philips (1928–37)
Mayo Methot (1938–45)
Lauren Bacall ('45–bás)

Ba aisteoir Meiriceánach é Humphrey DeForest Bogart (25 lá de Mhí na Nollag, 189914 Eanáir, 1957)

Saol[athraigh | edit source]

Tar éis dó triail a bhaint as postanna éagsúla, thosaigh Bogart ar an aisteoireacht sa bhliain 1921 i léirithe de chuid Broadway sna 1920í agus 1930í.

Nuair a laghdaigh cliseadh an stocmhalartáin i 1929 an t-éileamh a bhí ann do dhrámaí, chas Bogart ar na scannáin. An chéad scannán a raibh sé ann is ar éirigh go maith leis ná The Petrified Forest (1936), scannán inar ghlac sé ról an Duke Mantee, agus bhí seo ina thús de thréimhse inar ghlac sé róil a raibh an-chosúlacht eadarthu, i scannáin faoi dhrongadóirí. Ina measc seo bhí Angels with Dirty Faces (1938) agus B-scannáin ar nós The Return of Doctor X (1939).

Tháinig dul chun cinn mór dó i 1941, leis an scannán High Sierra (1941) agus The Maltese Falcon (1941). An bhliain ina dhiaidh sin d'ardaigh a ról mar Rick Blaine sa scannán Casablanca (1942) é go barr a ghairme agus in aon bhuille amháin rinneadh buanú ar an bpearsantacht shainiúil scannán a bhí aige, is é sin an crua-shoincí a dtagann a uaisleacht chun cinn ar deireadh. Tháinig scannáin rathúla eile sna sála orthu seo, ina measc To Have and Have Not (1944), The Big Sleep (1946), Dark Passage (1947), agus Key Largo (1948), lena bhean chéile Lauren Bacall; The Treasure of the Sierra Madre (1948); The African Queen (1951), inar bhuaigh se an t-aon Duais de chuid an Acadaimh a bronnadh air; Sabrina (1954), agus The Caine Mutiny (1954) An scannán deiridh a raibh sé ann ná The Harder They Fall. Ghlac sé páirt i 75 ghné-scannán i rith a ghairmréime a lean beagán faoi tríocha bliain.

Nuair a bhásaigh sé de bharr ailse i 1957, bhí Bogart ar cheann de na daoine ba mhó a raibh meas orthu i gCineama Mheiriceá. Ó gur bhásaigh sé, glactar leis go mbraitear go bhfuil tionchar go dtí an lá atá inniu ann fiú, ag an gcur i láthair a rinne sé ina chuid scannán is ina shaol pearsanta, agus is as seo a dtugtar íocón cultúrtha air. Ainmníodh é mar an príomhlaoch scannán a bhí ann riamh i 1997 ag an iris Entertainment Weekly. Sa bhliain 1999, bhí sé rangaithe mar an Réalta Fireann ba Mhó Riamh ag an American Film Institute.