Gaeltacht Bhuan Mheiriceá Thuaidh
| Gaeltacht Bhaile na hÉireann | |
| Leasainm: An Ghaeltacht Cheanadach, Gaeltacht Bhuan Mheiriceá Thuaidh, Gaeltacht Thuaisceart an Oileáin Úir |
|
 |
|
| Tír | Ceanada |
| Cúige | Ontario |
| Bunaithe | 16 Meitheamh 2007[1]) |
| Leithead • Talamh |
0.24 km² |
| Crios Ama | Eastern (EST) (UTC-5) |
| Suíomh Gréasáin: http://www.anghaeltacht.ca/ | |
Is í Gaeltacht Bhaile na hÉireann (nó Gaeltacht Thuaisceart an Oileáin Úir) ceantar faoi leith ata ainmnithe go h-oifigiúil mar acmhainn chun teanga labhartha na Gaeilge a chothú agus a chaomhnú. Tá an ceantar suite i dTamworth, Ontario, taobh le hAbhainn an Bhradáin i mbaile fearainn Stone Mills sna chontaetha Lennox agus Addington.
In aice láimhe tá an comhphobal Erinsville a thóg a ainm ó na hÉireannaigh a lonnaigh ann san 19u cead. Is ón dúiche seo a thógann an Ghaeltacht a h-ainm oifigiúil - "Gaeltacht Bhaile na hÉireann". Is é sin "Gaeltacht Erinsville". Ba iad Éireannaigh an chead chuig mheara ar an mbaile sin.[2]
Tá cáil bainte amach ag an gceantar anois ós rud é go bhfuil an t-aon Ghaeltacht oifigiúil taobh amuigh de Éirinn suite ann.[1] [3] Ach murab ionann leis na Gaeltachtaí in Éirinn ina n-úsáideann an pobal áitiúil an Ghaeilge mar theanga laethúil níl aon phobal seasta i nGaeltacht Bhuan Mheiriceá Thuaidh faoi láthair.
Tugadh aitheantas agus tacaíocht oifigiúil don nGaeltacht le linn an tionscnaimh oifigiúil ina raibh Declan Kelly Ambasadóir na hÉireann go Ceanada agus Helen Gannon ó Chomhaltas Ceoltóirí Éireann mar aíonna speisialta.[4] I ráiteas oifigiúil a eisíodh ar an 29 Bealtaine 2007, dúirt Éamon Ó Cuív, Aire Gnóthaí Pobail Tuaithe agus Gaeltachta "Ba mhaith liom comhghairdeas a dhéanamh le pobal Cheanada mar gur bhunaigh siad i gCeanada an chead Ghaeltacht riamh lasmuigh de Éirinn. Guím gach rath ar an obair agus tá súil agam go mbeidh fás agus forbairt uirthi". [5] Chomh maith cheadaigh an tAire O Cuív €20,000 ($28,835 CAD) don nGaeltacht ar mhaithe le oiliúint do mhúinteoirí.[6]
Faoi láthair bíonn cúrsaí sa Gaeilge ar fáil ag an suíomh féin agus arís i mbaile Erinsville. Bíonn céilithe ar siúl freisin agus is féidir campáil nuair a cheadaíonn an uain, (go h-iondúil i mí Lúnasa).[2] I bhfad na h-aimsire tá sé beartaithe ag na h-eagraithe cábáin do 100 duine a thógáil chomh maith le seomraí ranga agus iarsmalann. Tá na ranganna inspioráide ag, agus múnlaithe ar, an modh foghlama in úsáid in Oideas Gael i nGaeltacht Dhún na nGall, Gleann Cholm Cille.[6]
Tugadh tosaíocht airithe do scéal na Gaeltachta seo sna meáin chumarsáide go mór mhór mar is í an t-aon Ghaeltacht lasmuigh d’Éirinn. Tuairiscíodh an scéal ar TG4 (Teilifís Gaeilge)[7] , ar an BBC agus ar na meáin i gCeanada.BBC.[4]
Seo a dúirt Aralt Mac Giolla Chainnigh, príomh eagraí an tionscadail, in agallamh leis an BBC; " Cé go dtagann na Gaeilgeoirí ó gach críoch - Ceanada, na Stáit Aontaithe, Eire - beidh siad sa bhaile nuair a chruinníonn siad anseo. Is ait í in ar b’fhéidir leo a gcadhnraí cultúrtha a athghiniúint agus go speisialta áit in ar b’fhéidir leo teacht i dteagmháil leis an dteanga Ghaeilge arís".[2]
Féach freisin [athraigh]
Tagairtí [athraigh]
- ↑ 1.0 1.1 Ó Cuív, Éamonn. "Searmanas Oscailte Cumann na Gaeltachta" (Craobh Chláirseach Theamhrach Chomhaltas Ceoltóirí Éireann, 2007) Page 7.
- ↑ 2.0 2.1 2.2 McKittrick, David. "Bualadh bos...Gaeltacht goes global." Independent.ie. 18 April 2007
- ↑ "Canada to have first Gaeltacht." Irish Emigrant Jan 2007.
- ↑ 4.0 4.1 "GAELTACHT CHEANADA." BBC Northern Ireland June 2007.
- ↑ Ó Cuív, Éamonn. "Searmanas Oscailte Cumann na Gaeltachta" (Craobh Chláirseach Theamhrach Chomhaltas Ceoltóirí Éireann, 2007) Page 7.
- ↑ 6.0 6.1 "Donegal example inspired idea for first gaeltacht outside of Ireland." The Donegal News 22 June 2007.
- ↑ TG4.ie (article now archived)
