Alasdair III na hAlban

Ón Vicipéid, an chiclipéid shaor.
Alasdair III na hAlban

Bhí Alasdair III (4 Meán Fómhair 1241 - 19 Márta 1286) ina rí na hAlban 1249 - 1286. Ba rí láidir é Alasdair agus bhí a thréimhse ar an gcathaoir ríoga an-síochánta minic go leor. Ag an am sin, bhí tionchar láidir Ceilteach in Albain fós agus ceangal le Sasana mar go raibh iníon rí Shasana - Éadbhard I - an banphrionsa Máiréad, ag Alasdair mar bhean. Thosaigh cúrsaí ag éirí níos measa tar éis do bhean agus mhac Alasdair bás a fháil i ngearr aimsire. D'fhág sé seo Rí na hAlban gan mac á leanúint agus é daichid is cúig bliana d'aois.

Phós sé arís ag Mainistir Jedburgh le bean óg bhreá darb ainm Yolande a Dreux. Ar an dara lá déag de Mhárta 1286, fuair Rí Alasdair bás. Bhí sé ag filleadh ó Chaisleán Dhún Éideann go Ceann Gronna áit a raibh a bhean. Cé go raibh na huaisle agus na triatha a bhí in éineacht leis ag iarraidh air fanacht leis an aimsir níos fearr ar maidin, níor éist sé leo. Chaill sé a chuideachta sa dorchadas agus an mhaidin dár gcionn d'aimsíodar a chorp ag bun aille. D'fhág sé seo Albain gan rí agus rinne Èideard a sheacht ndícheall smacht a fháil ar Albain agus is mar seo a thosaigh linn creiche agus comhraic idir an dá ríocht.