Acadamh na hOllscolaíochta Gaeilge

Ón Vicipéid, an chiclipéid shaor.

Bunaíodh Acadamh na hOllscolaíochta Gaeilge mar aonad laistigh d'Ollscoil na hÉireann, Gaillimh le forbairtí a dhéanamh ar chúrsaí, ar thaighde, ar sheirbhísí agus ar ghníomhaíochtaí ollscoile eile trí mheán na Gaeilge agus le iad a sheachadadh agus a riaradh.

Cuireann clár cúrsaí an Acadaimh deiseanna ar fáil do mhic léinn cur lena gcuid scileanna agus a gcuid saineolais agus tabhairt faoi thaighde i réimsí cosúil leis an gcumarsáid raidió agus teilifíse, an t-aistriúchán, na healaíona, an teicneolaíocht faisnéise agus an t-oideachas.

Ionaid an Acadaimh[athraigh | edit source]

Reáchtáiltear clár cúrsaí an Acadaimh i gceartlár na Gaeltachta ar an gCeathrú Rua agus i gCarna i gCo. na Gaillimhe agus i nGaoth Dobhair i gCo. Dhún na nGall. Reáchtáiltear ar Champas Ollscoil na hÉireann, Gaillimh, iad freisin. Úsáidtear an Ghaeilge mar chuid lárnach den saol sóisialta agus acadúil sna hIonaid seo.

Naisc sheachtracha[athraigh | edit source]